ОБУ ҲАВО: 21-22 июн дар ҷумҳурӣ ҳавои номусоид боқӣ мемонад

ДУШАНБЕ, 21.06.2022 /АМИТ «Ховар»/. 21-22 июн дар ҷумҳурӣ ҳавои номусоид боқӣ мемонад. Дар баъзе ноҳияҳо боридани борони бошиддат дар назар аст. Раъду барқ ба амал омада, боридани жола аз эҳтимол дур нест, иттилоъ доданд дар Агентии обуҳавошиносии Тоҷикистон ба АМИТ «Ховар».

Имрӯз дар Вилояти Мухтори Кӯҳистони Бадахшон ҳаво қисман абрнок шуда, дар ноҳияҳои алоҳида борони кӯтоҳмуддат дар назар аст. Дар минтақаҳои шарқии вилоят шабона боридани барф пешгӯи мешавад. Дар баъзе ноҳияҳо борони бошиддат меборад. Раъду барқ ба амал омада, боридани жола аз эҳтимол дур нест. Шамол аз самти ғарб бо суръати 5-10 метр дар як сония мевазад. Ҳаво дар ғарби вилоят шабона 7+12 дараҷа гарм, рӯзона 19+24 дараҷа гарм, дар шарқи вилоят шабона аз 3 дараҷа хунук то 2 дараҷа гарм ва рӯзона 7+12 дараҷа гарм мешавад.

Дар вилояти Суғд ҳавои қисман абрнок дар назар буда, дар баъзе ноҳияҳо борони кӯтоҳмуддат меборад. Дар ноҳияҳои алоҳидаи кӯҳӣ боридани борони бошиддат пешгӯӣ мешавад. Раъду барқ ба амал омада, боридани жола аз эҳтимол дур нест. Шамол аз самти ғарб бо суръати 3-8, дар ноҳияҳои алоҳида бо шиддатнокии то 12-17 метр дар як сония мевазад. Ҳаво дар водиҳо шабона 15+20 дараҷа гарм, рӯзона 25+30 дараҷа гарм, дар ноҳияҳои кӯҳӣ шабона 3+8 ва рӯзона 12+17 дараҷа гарм мешавад.

Имрӯз дар вилояти Хатлон ҳаво қисман абрнок шуда, дар ноҳияҳои алоҳида борони кӯтоҳмуддат дар назар аст. Шабона ва саҳаргоҳон дар баъзе ноҳияҳо боридани борони бошиддат пешгӯи мешавад. Раъду барқ ба амал омада, боридани жола аз эҳтимол дур нест. Шамол аз самти ғарб бо суръати 3-8,  дар баъзе ноҳияҳо бо шиддатнокии то 10-15 метр дар як сония мевазад. Ҳаво дар водиҳо шабона 16+21 дараҷа ва рӯзона 25+30 дараҷа гарм, дар доманакӯҳҳо шабона 9+14 дараҷа ва рӯзона 18+23 дараҷа гарм мешавад.

Дар шаҳру ноҳияҳои тобеи марказ ҳаво қисман абрнок шуда, борони кӯтоҳмуддат меборад. Дар баъзе ноҳияҳо ноҳияҳои боридани борони бошиддат пешгӯӣ мешавад.  Раъду барқ ба амал омада, боридани жола аз эҳтимол дур нест. Шамол аз самти ғарб бо суръати 7-12 метр дар як сония мевазад. Ҳаво дар водиҳо шабона 12+17 дараҷа ва рӯзона 23+28 дараҷа гарм мешавад. Дар ноҳияҳои кӯҳӣ шабона 6+11 дараҷа ва рӯзона 18+23 дараҷа гарм мешавад.

Дар шаҳри Душанбе ҳавои қисман абрнок шуда, борони кӯтоҳмуддат ва дар баъзе ҳолатҳо борони бошиддат дар назар аст. Раъду барқ ба амал меояд. Шамол аз самти ғарб бо суръати 5-10 метр дар як сония мевазад. Ҳаво шабона 14+16 дараҷа ва рӯзона 25+27 дараҷа гарм мешавад.