РАВАНДИ ОБИ ДУШАНБЕ. Дабири кулли САҲА Ҳелга Мария Шмид дар Конфронси дуюми байналмилалии сатҳи баланд иштирок мекунад
ДУШАНБЕ, 03.06.2022 /АМИТ «Ховар»/. 4 июн Дабири кулли Созмони амният ва ҳамкорӣ дар Аврупо (САҲА) хонум Ҳелга Мария Шмид бо сафари корӣ ба Тоҷикистон меояд, хабар доданд ба АМИТ «Ховар» дар Раёсати иттилоот ва матбуоти Вазорати корҳои хориҷии ҷумҳурӣ.
Дабири кулли САҲА Ҳелга Мария Шмид дар Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» таҳти унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ», ки 6-9 июн дар шаҳри Душанбе баргузор мегардад, иштирок мекунад.
Ҳамчунин дар чаҳорчӯби сафар ба Душанбе Дабири кулли САҲА Ҳелга Мария Шмид бо раҳбарияти олии кишвар якчанд мулоқот доир менамояд.
Барои иштирок дар Конфронси дуюми Душанбе қариб 2000 нафар намояндагони давлатҳои хориҷӣ, созмонҳои байналмилалию минтақавӣ, ниҳодҳои байналмилалии молиявӣ, бахши хусусӣ, ҷомеаи шаҳрвандӣ, донишкадаҳо, ҷамоатҳои маҳаллӣ ва дигар ҷонибҳои алоқаманд номнавис шудаанд.
Конфронси оби Душанбе марҳилаи калидӣ дар омодагӣ ба Конфронси Созмони Милали Муттаҳид оид ба Шарҳи миёнамуҳлати Даҳсолаи байналмилалии амал «Об барои рушди устувор, солҳои 2018-2028» мебошад, ки моҳи марти соли 2023 дар Ню-Йорк бо ҳамраисии Тоҷикистон ва Нидерланд баргузор мешавад.
Интизор меравад, ки конфронси Ню-Йорк на танҳо аз нигоҳи вақт (бори нахуст пас аз тақрибан 50 сол), балки аз ҷиҳати натиҷагирӣ низ таърихӣ хоҳад буд ва он нуқтаи гардиш дар суръатбахшии амалҳо барои ноил шудан ба ҳадафҳои обро нишон медиҳад.
Пайрав ҚОСИМ
АМИТ «Ховар»
АКС аз манбаъҳои боз
Дар Лондон машваратҳои сиёсӣ байни Ҷумҳурии Тоҷикистон ва Подшоҳии Муттаҳидаи Британияи Кабир баргузор шуданд
Сироҷиддин Муҳриддин дар вохӯрӣ бо раис ва аъзои гурӯҳи ҳамаҳизбии Парлумони Подшоҳии Муттаҳида барои Осиёи Марказӣ иштирок намуд
Дар Женева дар доираи иҷлосияи 61-уми Шурои ҳуқуқи инсони СММ чорабинии канории Тоҷикистон баргузор шуд
Сафири Тоҷикистон бо раиси Парлумони Гурҷистон мулоқот намуд
Давлатшоҳ Гулмаҳмадзода бо ҳамватанон, донишҷӯёни тоҷик ва роҳбарони ҷамъиятҳои тоҷикони муқими Бошқирдистони Русия мулоқот намуд
Сафири Тоҷикистон дар Форуми донишгоҳҳо ва илм байни Олмон ва Осиёи Марказӣ иштирок намуд
Дар қароргоҳи ИДМ дар Минск ҷаласаи Шурои намояндагони доимӣ баргузор гардид
Президенти Бонки Осиёии Рушд Масато Канда ба Тоҷикистон меояд
Сафири Тоҷикистон бо Раиси Бошқирдистони Федератсияи Русия мулоқот намуд
Таҳкими ҳамкорӣ байни Тоҷикистон ва Озарбойҷон дар соҳаи телевизион ва радиошунавонӣ баррасӣ гардид
Дар шаҳри Тифлис машваратҳои сиёсӣ байни Тоҷикистону Гурҷистон баргузор гардиданд
Сафири Тоҷикистон ба Президенти Иёлоти Муттаҳидаи Амрико эътимоднома супорид
