Роҳи мошингарди Бӯстон-Зарнисор бо дарозии 38 километр мумфарш мегардад
ДУШАНБЕ, 17.06.2022. /АМИТ «Ховар»/. Дар асоси дастуру ҳидоятҳои Пешвои миллат муҳтарам Эмомалӣ Раҳмон роҳи мошингарди Бӯстон-Зарнисор бо дарозии 38 километр пурра мумфарш гардида истодааст, хабар доданд ба АМИТ «Ховар» дар Хадамоти матбуоти Раиси вилояти Суғд.
Мумфаршкунии роҳ бо маблағгузории Ширкати кӯҳӣ-саноатии Тоҷикистону Хитой дар ҳаҷми 75 миллион сомонӣ аз тарафи ҶДММ МКМ “Сомонӣ” идома дошта, то имрӯз 13 километри он мумфарш шудааст.
Раиси вилоят Раҷаббой Аҳмадзода бо ҷараёни мумфаршкунии роҳи мазкур шинос шуда, дар ин зимн иттилоъ дода шуд, ки дар масофаи 18 километри ин роҳ корҳои тахту ҳамворкунӣ ба анҷом расонида шуда, дар доираи лоиҳа 5 пули мошингузар пурра навсозӣ мегарданд.
Ёдовар мешавем, ки роҳи мошингарди Бӯстон — Зарнисор даҳсолаҳо инҷониб ба таъмири пурра ниёз дошт. Бо тадбирандешиҳои мақомоти иҷроияи ҳокимияти давлатии вилояти Суғд роҳи мазкур мумфарш гардида, бехатарии ҳаракат дар он таъмин мешавад.
Айни замон зиёда аз 20 нафар роҳсозон ва техникаҳои пуриқтидор ба корҳои роҳсозӣ ҷалб гардида, ба сифати корҳо бештар таваҷҷуҳ дода мешавад.
АКС: Хадамоти матбуоти Раиси вилояти Суғд
КОНСТИТУТСИЯ — БАХТНОМАИ МИЛЛАТ ВА ПОЯИ УСТУВОРИ ДАВЛАТДОРИИ МИЛЛӢ. Дар Коллеҷи омори шаҳри Ваҳдат чорабинии сиёсиву фарҳангӣ баргузор гардид
Дар қисми низомии қӯшунҳои сарҳадии Кумитаи давлатии амнияти миллӣ ҳамоиши сиёсӣ-маърифатӣ доир гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
