Саноатчиёни вилояти Хатлон дар панҷ моҳ ба маблағи зиёда аз 3.47 миллиард сомонӣ маҳсулот истеҳсол карданд

Июнь 11, 2022 11:57

ДУШАНБЕ, 11.06.2022 /АМИТ «Ховар»/. Дар панҷ моҳи соли равон дар вилояти Хатлон ба маблағи 3 миллиарду 470 миллиону 455,8 ҳазор сомонӣ маҳсулот истеҳсол шудааст, ки дар муқоиса ба ҳамин давраи соли гузашта 534 миллиону 784 ҳазор сомонӣ зиёд мебошад. Ҳамчунин суръати афзоиш бо назардошти нархҳои қиёсӣ дар сатҳи 13,7 фоиз таъмин гардидааст. Дар ин бора дар ҷаласаи ҷамъбастӣ оид ба натиҷаҳои рушди иҷтимоию иқтисодии вилоят дар панҷ моҳи аввали соли 2022 гуфта шуд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии вилоят.

Тазаккур дода шуд, ки суръати афзоиши ҳаҷми маҳсулоти саноатиро дар ноҳияҳои Вахш, Восеъ, Хуросон, Кӯшониён, Мир Сайид Алии Ҳамадонӣ, Фархор, Панҷ, Ховалинг, Шамсиддини Шоҳин аз 121 то 222 фоиз таъмин кардаанд.

Ҳамчунин мувофиқи оморӣ расмӣ, дар давоми панҷ моҳи соли равон аз ҷониби соҳибкорони маҳаллӣ дар шаҳру ноҳияҳои вилоят 45 корхонаву коргоҳҳои истеҳсолӣ мавриди баҳрабардорӣ қарор гирифта, дар ин замина 420 нафар шаҳрвандони маҳаллӣ бо ҷойи корӣ таъмин гаштаанд.

Дар ҷаласа инчунин ба раисони шаҳру ноҳияҳо ва роҳбарони ташкилоту муассисаҳо дар самти мусоидати ҳамаҷониба ба бунёди корхонаю коргоҳҳои саноатӣ дар ҳамкорӣ бо бахши хусусӣ, таъсиси корхонаҳои хурди макаронбарорӣ дар шаҳру ноҳияҳо, фаъол намудани корхонаю коргоҳои тирезаҳои пластикӣ, рахти хоб, намаки ошӣ, зиёд намудани ҳаҷми консерваю равған, духти либосҳои мактабӣ, ҷамъоварии саривақтии андоз, пардохти саривақтии музди меҳнат ва нафақа, пешгирӣ аз сухтор, харидорӣ намудани ангишти босифат ва оиди дигар масъалаҳо дастуру сопоришҳо дода шуд.

Ҳамзамон аз иштрокчиёни ҷаласа даъват ба амал оварда шуд, ки оид ба самаранок истифода бурдани ҳар як ваҷаб замин, аз ҷумла замиинҳои наздиҳавлигӣ, заминҳои назди ташкилоту муассисаҳо ва хоҷагиҳо ҳамаҷониба чораандешӣ намуда, гурӯҳҳои корӣ дар самти кишти такрорӣ дар ҳама шаҳру ноҳияҳо бо мардум мулоқот анҷом диҳанд, то тавонанд дар таъмини бозори истеъмолӣ саҳмгузор бошанд.

АКС: Хадамоти матбуоти Президенти ҶТ/АМИТ «Ховар»

Июнь 11, 2022 11:57

Хабарҳои дигари ин бахш

Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд