Соҳибкорони вилояти Фарғона бо фаъолияти корхонаҳои саноатии Суғд шинос мешаванд
ДУШАНБЕ, 01.06.2022 /АМИТ «Ховар»/. Соҳибкорони вилояти Фарғона 1-3 июн дар вилояти Суғд бо фаъолияти корхонаҳои саноатӣ шинос шуда, бо доираҳои соҳибкорӣ мулоқот мекунанд. Дар назар аст, ки пас аз боздиду шиносоиҳо ҷонибҳо барои амалисозии лоиҳаҳои муштарак тасмим гиранд. Ин нукта зимни мулоқоти Раиси вилояти Суғд Раҷаббой Аҳмадзода бо гурӯҳи соҳибкорон аз вилояти Фарғонаи Ҷумҳурии Узбекистон, ки бо роҳбарии муовини ҳокими вилояти Фарғона Алибек Турсунов ба Суғд омадаанд, зикр карда шуд.
Тавре ба АМИТ «Ховар» корманди хадамоти матбуоти Раиси вилояти Суғд Андар Раҳмонӣ иттилоъ дод, имрӯз Раиси вилояти Суғд Раҷаббой Аҳмадзода гурӯҳи соҳибкорон аз вилояти Фарғонаи Ҷумҳурии Узбекистонро, ки бо роҳбарии муовини ҳокими вилояти Фарғона Алибек Турсунов ба вилоят омадаанд, ба ҳузур пазируфта, иброздошт, ки “бо сиёсати пешгирифтаи сарони давлатҳо- Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев ҳамкории минтақавӣ дар ҳоли рушд аст. Миёни вилояти Суғд ва вилоятҳои Тошканд, Самарқанд, Фарғона ва Намангон, инчунин Вазорати кишоварзии Ҷумҳурии Узбекистон оид ба ҳамкории байниминтақавӣ санадҳо имзо гардида, дар доираи он ҳамкорӣ ба роҳ монда шудааст”.
Зикр шуд, ки мубодилаи молу маҳсулот миёни минтақаҳои ду давлат сол аз сол зиёд гардида, аз вилояти Суғд нахи пахта, масолеҳи сохтмонӣ ва семент, маҳсулоти кишоварзӣ ва бисёр чизҳои дигар содирот гардида, аз Ҷумҳурии Узбекистон нуриҳои минералӣ, пойафзолу либос, масолеҳи сохтмонӣ ва таҷҳизоти маишӣ ба вилоят ворид карда мешаванд.
Изҳори боварӣ карда шуд, ки сафари навбатии соҳибкорони вилояти Фарғона ва мулоқот бо соҳибкорони вилояти Суғд ба рушди минбаъдаи равобит ва муносибатҳои иқтисодӣ хизмат мекунад.
Ёдовар мешавем, ки меҳмонон давоми се рӯз аз якчанд корхонаҳои саноатии вилояти Суғд боздид намуда, бо соҳибкорони тоҷик мулоқот менамоянд.
АКС: Хадамоти матбуоти Раиси вилояти Суғд
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
