Sputnik: Русия ба Тоҷикистон дар ҳалли мушкили обшавии пиряхҳо кумак хоҳад кард

Июнь 9, 2022 14:40

ДУШАНБЕ, 09.06.2022 /АМИТ «Ховар»/. Русия ба Тоҷикистон кумаки машваратии олимонро дар ташкили мониторинги яхбандии абадӣ пешниҳод кардааст. Ин ибтикор аз ҷониби  Вазири захираҳои табиӣ ва экологияи Федератсияи Русия Александр Козлов садо дод, хабар медиҳад агентии иттилооти  Sputnik.

Қаблан Раиси Кумитаи ҳифзи муҳити зисти назди Ҳукумиати Ҷумҳурии Тоҷикистон Баҳодур Шерализода бо Александр Козлов дар чаҳорчӯби  Конфронси дуюми байналмилалии сатҳи баланд бахшида ба Даҳсолаи «Об барои рушди устувор», солҳои 2018 — 2028, ки рӯзҳои 6-9 июнь дар Душанбе баргузор шуд,  мулоқот карда буд. Дар ин нишаст Шерализода ва Козлов ҳамкориҳои кишварҳо дар соҳаи муҳити зистро баррасӣ карданд.

Намояндаи Русия гуфт, ки Ҳукумати Тоҷикистон «ба нақша гирифтааст, ки кор дар пиряхҳоро оғоз кунад». Обшавии онҳо мушкилӣ пеш хоҳад овард»,   таъкид кард ӯ.

«Пешниҳод кардем, ки таҷрибаи худ оид ба ташкили мониторинги яхбандии абадиро мубодила кунем. Мо аллакай ба ин кор машғулем ва ҳоло системаи давлатии мониторингро таъсис дода истодаем, ки  он 140  истгоҳи назорати ҳолати яхбандии абадиро дарбар хоҳад гирифт», —  афзуд Козлов.

Ӯ Шерализодаро ба Санкт-Петербург, ба Пажӯҳишгоҳи илмии Арктика ва Антарктикаи Росгидромет даъват кард, ки дар он мутахассисон омодаанд таҷрибаи кор бо яхбандии абадиро мубодила кунанд.

                                     АКС: Кумитаи ҳифзи муҳити зисти ҶТ/АМИТ «Ховар»

 

Июнь 9, 2022 14:40

Хабарҳои дигари ин бахш

Дар шаҳри Лондон Ҷашни байналмилалии Наврӯз таҷлил гардид
Дар Теҳрон Ҷашни Наврӯзи байналмилалиро таҷлил намуданд
РАВАНДИ ОБИ ДУШАНБЕ. Сироҷиддин Муҳриддин: «Ба инсоният тақрибан 50 сол зарур омад, то талошҳоро дар масоили об муттаҳид намояд»
Дар Москва ҷаласаи Шӯрои иқтисодии Иттиҳоди Давлатҳои Мустақил баргузор шуд
Тоҷикистон ҳамкорӣ бо давлатҳои минтақаро муҳимтарин воситаи рушди муштарак ва таъмини сулҳу субот мешуморад
Ҳайати Тоҷикистон дар иҷлосияи Шӯрои вазирони корҳои хориҷии СҲИ дар Мавритания иштирок намуд
РАВАНДИ ОБИ ДУШАНБЕ. Дар Марокаш нишасти матбуотӣ оид ба Конфронси оби СММ баргузор гардид
РАВАНДИ ОБИ ДУШАНБЕ. Дар Қоҳира тадбирҳои муштарак ва ҳамоҳангӣ дар доираи Эътилофи ҷаҳонии обу иқлим баррасӣ шуд
Дар Душанбе вохӯрии панҷуми ҷашнии машваратии сарони давлатҳои Осиёи Марказӣ доир мегардад
Дар Душанбе ҷаласаи гурӯҳҳои корӣ оид ба делимитатсияи сарҳади давлатии Тоҷикистон ва Қирғизистон баргузор шуд
РАВАНДИ ОБИ ДУШАНБЕ. Дар Теҳрон бахшида ба Конфронси оби СММ-2023 нишаст баргузор гардид
Намояндаи Тоҷикистон дар нишасти сеюми вазирони энергетикаи Созмони ҳамкории Шанхай иштирок намуд