ТИБҚИ СУПОРИШИ ПРЕЗИДЕНТ. Гурӯҳи кории Вазорати тандурустӣ ва ҳифзи иҷтимоии аҳолии Тоҷикистон аз ВМКБ дидан кард
ДУШАНБЕ, 25.06.2022 /АМИТ «Ховар»/. Тибқи супориши бевоситаи Президенти мамлакат муҳтарам Эмомалӣ Раҳмон гурӯҳи корӣ таҳти роҳбарии Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ба ВМКБ сафар намуда, бо ҷараёни корҳои сохтмонӣ ва фаъолияти муассисаҳои тандурустӣ ва ҳифзи иҷтимоии аҳолии вилоят шинос шуд. Дар ин бора ба АМИТ «Ховар» дар маркази матбуотии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Зимни боздид гурӯҳи корӣ бо ҷараёни корҳои сохтмонии Беморхонаи марказии ноҳияи Роштқалъа аз наздик шинос гардид.
Иттилоъ дода шуд, ки айни замон дар бинои нави ин муассисаи тандурустӣ корҳои ҳамворкунӣ ва бетонрезӣ босуръат идома доранд.
Ҳамчунин дар ҷараёни сафар гурӯҳи корӣ дар ноҳияи Ишкошим бо фаъолияти беморхонаи марказӣ ва рафти корҳои ободонии осоишгоҳи «Авҷ» шинос шуд.
Тибқи иттилои масъулин, чашмаи шифобахши «Авҷ» барои бемориҳои чашм, меъдаю рудаҳо ва дилу рагҳо фоидаовар мебошад.
Ҳамзамон Ҷамолиддин Абдуллозода аз рафти хизматрасонии тиббии Беморхонаи марказии ноҳияи Шуғнон ба аҳолӣ шинос шуд.
Бояд гуфт, ки таҳти таваҷҷуҳ ва дастгириҳои бевоситаи Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон баҳри таъмини солимии аҳолӣ дар баробари дигар манотиқи мамлакат дар шаҳру ноҳияҳои ВМКБ низ як қатор корҳои муҳим ва назаррас ба анҷом расонида шудаанд.
АКС: Вазорати тандурусти ва ҳифзи иҷтимоии аҳолии ҶТ
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
