ТОБИСТОН БО ИСТИРОҲАТ ХУШ АСТ! Рӯзи байналмилалии ҳифзи кӯдакон ва оғози таътил ба рӯзи аввали ин фасл рост меоянд
ДУШАНБЕ, 01.06.2022. /АМИТ «Ховар»/. Имрӯз рӯзи аввали фасли тобистон аст, ки ба зеботарин ҷашн-Рӯзи байналмилалии ҳифзи кӯдакон ва оғози таътили мактабиён рост меояд. Дар ин рӯз кӯдакону наврасон дар фазои сулҳу субот ва якпорчагии Ватан иди худро ҷашн гирифта, ба таътили тобистона мебароянд.
Тибқи иттилои Вазорати маориф ва илми Ҷумҳурии Тоҷикистон, хонандагони синфҳои 2-11-и муассисаҳои таҳсилоти миёнаи умумии мамлакат ба таътили тобистона мебароянд.
Тавре АМИТ «Ховар» қаблан иттилоъ дода буд, бо қарори Раиси шаҳри Душанбе Рустами Эмомалӣ дар давраи тобистон- аз 14 июн то 9 август 10 ҳазору 352 нафар кӯдакону наврасони пойтахт ба истироҳатгоҳҳои тобистона фаро гирифта мешаванд.
Тавре сардори Раёсати муассисаҳои томактабӣ ва миёнаи умумии Сарраёсати маорифи шаҳри Душанбе Асомиддин Бобозода иброз дошт, тибқи қарори мазкур, дар истироҳатгоҳҳои беруназшаҳрии «Зимчурӯд», «Гулхан», «Шарора» ва «Орзу» 4192 нафар кӯдакону наврасон, дар майдончаҳои истироҳатию солимгардонии назди муассисаҳои таълимӣ 6160 нафар кӯдакону наврасон ба истроҳати тобистона фаро гирифта мешаванд.
Ба зикри мавсуф, тобистон бо гармӣ, истироҳату меваҳои шаҳдбораш фасли зебову дӯстдоштанист. Ҳамин аст, ки давоми соли хониш бачаҳо бесаброна таътили тобистонаро мунтазир мешаванд ва ҳар волидайн пешакӣ бояд барои босамар ва шавқовар гузаронидан ин давраро барои фарзандон тарҳрезӣ намоянд. Онҳо нагузоранд, ки хонандагон вақти худро давоми се моҳ пеши телевизор ва ё бо телефонҳои мобилӣ гузаронанд. Дар ин синн бачаҳо бояд истироҳати муфид намоянд.
Мавсуф зикр намуд, ки дар давраи таътил кӯдаку наврасон бояд реҷаи муайян ва барномарезишуда дошта бошанд, чунки кӯдак тӯли сол ба реҷаи қатъии рӯз одат кардааст. Агар давоми таътил вақти холиро барномарезӣ накунад, аз моҳи сентябр дубора ба мактаб одат карданаш душвор мешавад. Ҳамчунин бачаҳо як муддат аз волидайн бояд дур бошанд, то мустақил буданро омӯзанд.
АКС: АМИТ «Ховар»
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
Ғолибони Олимпиадаи байналмилалии химияро дар Фурудгоҳи байналмилалии Душанбе истиқбол гирифтанд
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
