Вазири маориф ва илми Тоҷикистон дар муколламаи кишварҳои Шарикии глобалӣ оид ба маориф иштирок ва суханронӣ намуд
ДУШАНБЕ, 29.06.2022 /АМИТ «Ховар»/. 28 июн Вазири маориф ва илми Ҷумурии Тоҷикистон Раҳим Саидзода дар доираи иштироки Саммити муқаддамотии бознигарии низоми маорифи кишварҳои узви Созмони Миллали Мутаҳид дар шаҳри Парижи Ҷумҳурии Фаронса, дар бахши муколамаи вазирони кишварҳои узви Шарикии глобалии маориф (GPE) ширкат варзида, оид ба таҷрибаи Ҷумҳурии Тоҷикистон ҷиҳати таҳияи аснод барои ба дастовардани лоиҳаи сармоягузорӣ суханронӣ намуд. Дар ин бора ба АМИТ «Ховар» дар маркази матбуоти Вазорати маориф ва илмии мамлакат хабар доданд.
Раҳим Саидзода иброз дошт, ки «вазорати маориф ва илми мамлакат ба таҳияи созишномаи шарикии КОМПАКТ дар моҳи январи соли 2021 оғоз кард ва як гурӯҳи кории техникӣ таъсис дод, ки дар он бо Гурӯҳи ҳамоҳангсозии шарикони рушд (LEG) ва намояндагони Шарикии глобалӣ ҳамкории зичро ба роҳ монд. Зимни таҳияи ҳуҷҷат ба вазифаҳои муайянкардаи Стратегияи рушди маориф то соли 2030, ба монанди таҳсилоти салоҳиятнок, беҳтар намудани сифат ва натиҷаҳои таълим, таъмини таълим дар давоми ҳаёт барои ҳамаи кӯдакон бо назардошти ҷанбаҳои гендерӣ диққати аввалиндараҷа зоҳир карда шуд».
Ба гуфтаи Вазир маориф ва илми мамлакат, шарти асосии муваффақ шудани Тоҷикистон дар ҷараёни таҳияи бастаи ҳуҷҷатҳо ин риояи коршиносон ба тамоми талабот ва интизориҳои Шарикии глобалии маориф ҷиҳати таҳияи дархост барои дастгирии ислоҳоти низоми маориф ба шумор меравад. Ба сифтаи тавсия ба дигар давлатҳо, истифодабарии модели нави амалиётии Шарикии глобалии маориф то соли 2025, ки механизмҳо ва абзорҳои худро дар банақшагирӣ, ҳамоҳангсозӣ ва татбиқи афзалиятҳо, муайян шуда буданд мутобиқ ва корбарӣ намоянд.
Ҳамчунин, дар раванди таҳияи ҳуҷҷатҳо барои муколамаи фарогирӣ соҳаи маориф тавсия дода шуд, ки шароити заруриро барои гурӯҳҳои маорифи маҳалӣ фароҳам оранд ва имкони иштирок ва ҷалби ҳамаи шарикон дар ин раванд ба инобат гирифта шавад.
Дар муколама вазирони маорифи дигар кишвархо, ки дар Саммит ширкат доштанд, суханронӣ намуданд.
Дар охир аз ҷониби ширкаткунандагон муроҷиатнома ба Созмони Миллали Мутаҳид қабул карда шуд.
АКС: Вазорати маориф ва илми ҶТ
НИШАСТИ МАТБУОТӢ. Дар ноҳияи Носири Хусрав фарогирии кӯдакон ба муассисаи томактабӣ 3,2 фоиз зиёд гардидааст
«ИЛМ — ФУРӮҒИ МАЪРИФАТ». Малакаи котибони озмун барои кор бо портали электронӣ такмил дода мешавад
Хонандагони Тоҷикистон дар Олимпиадаи сеюми байналмилалӣ аз фанни зеҳни сунъӣ ду медал ба даст оварданд
Дар ноҳияи Кӯшониён 21 Маркази рушди инкишофи кӯдак ба истифода дода шуд
Дар Тоҷикистон ба як омӯзгор 18 хонанда рост меояд
Хонандагони фаъоли пойтахт дар истироҳатгоҳи тобистонаи беруназшаҳрии «Шарора» таътили босамар мегузаронанд
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
Маркази миллии тестӣ гурӯҳи ихтисосҳои серинтихобро номбар намуд
Дар Донишкадаи кӯҳию металлургии Тоҷикистон 27 ихтисоси нав дар соҳаи технология ва металлургияи металлҳои сиёҳ ташкил мешавад
Қабули ҳуҷҷатҳо барои иштирок дар Стипендияи байналмилалии Президенти Тоҷикистон «Дурахшандагон» оғоз ёфт
НИШАСТИ МАТБУОТӢ. Имсол дар нақшаи қабул ба муассисаҳои таҳсилоти олӣ ва миёнаи касбӣ 10 ҳазор ҷой зиёд ҷудо гардид
Дар Донишгоҳи давлатии Хоруғ Мактаби байналмилалии тобистона оид ба омӯзиши криосфера ба фаъолият оғоз намуд
