Ҳайати Узбекистон дар Кўлоб оромгоҳи Мир Саид Алии Ҳамадониро зиёрат намуд
ДУШАНБЕ, 01.07.2022. /АМИТ «Ховар»/. 30 июн сардорони сохторҳои Вазорати шуғл ва муносибатҳои меҳнатии Ҷумҳурии Узбекистон таҳти роҳбарии муовини якуми вазири ин ниҳод Эркин Муҳитдинов ва мушовири пешбари маъмурияти Президенти Ҷумҳурии Узбекистон ба шаҳри Кӯлоб ташриф оварданд, хабар доданд ба АМИТ «Ховар» дар Мақомоти иҷроияи ҳокимияти даволатии шаҳри Кўлоб.
Ҳайати меҳмононро Раиси шаҳри Кӯлоб Бахтиёр Назарзода ва дигар шахсони масъул самимона пешвоз гирифта, онҳоро хайра мақдам гуфтанд.
Зикр гардид, ки дар доираи робитаҳои дӯстӣ ва ҳамкорӣ миёни Ҷумҳурии Тоҷикистон ва Ҷумҳурии Узбекистон муносибатҳо байни вазорату мақомот ва идораҳои соҳавӣ густариш ёфта, табодули таҷрибаи мақомоти давлатии тарафҳо ба анъана даромадааст.
Меҳмонон нахуст оромгоҳи орифи номдори Машриқзамин Мир Сайид Алии Ҳамадониро зиёрат намуда, аз осорхонаи ин мутафаккири бузург боздид карданд.
Баъдан бо ҳузури ҳайати Узбекистон дар толори Мақомоти иҷроияи ҳокимияти давлатӣ Кӯлоб мулоқот оид ба ҳамкорӣ дар соҳаи меҳнат ва шуғли аҳолӣ бо Раиси шаҳри Кӯлоб Бахтиёр Назарзода баргузор гардид.
Дар идома меҳмонон аз Муассисаи давлатии техникии Литсейи касбии техникии сохтмонии ҷамоати деҳоти Даҳанаи шаҳри Кӯлоб боздид намуда, бо шароити таълим дар ин даргоҳ аз наздик шинос шуданд.
Зимни боздид аз муассисаи мазкур табодули таҷрибаи тарафҳо дар самтҳои танзими муносибатҳои меҳнатӣ, касбомӯзӣ, шуғли аҳолӣ ва таҳсилоти касбӣ сурат гирифт.
АКС: АМИТ «Ховар»
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
