БА ИФТИХОРИ 35-СОЛАГИИ ИСТИҚЛОЛИЯТИ ДАВЛАТӢ. Дар деҳаи Оқмамади ноҳияи Шуғнон бунгоҳи тиббӣ мавриди истифода қарор дода шуд
ДУШАНБЕ, 31.07.2022 /АМИТ «Ховар»/. Ба ифтихори 35-солагии Истиқлолияти давлатии Ҷумҳурии Тоҷикистон дар деҳаи Оқмамади Ҷамоати деҳоти Ванқалъаи ноҳияи Шуғнон дар вазъияти тантанавӣ бунгоҳи тиббӣ мавриди истифода қарор дода шуд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии ноҳияи Шуғнон.
Зимни ифтитоҳи он Раиси ноҳияи Шуғнон Ҷумъа Ҷумъазода ва сокинону кормандони соҳаи тандурустӣ иштирок намуданд.
Зикр гардид, ки ин муассисаи тиббии замонавӣ баҳри ба меъёр мутобиқ намудани хизматрасонии тиббӣ дар деҳот, баланд бардоштани сатҳи иҷтимоӣ ва солимии аҳолии деҳот бунёд шудааст.
Бунгоҳи тиббии навбунёд аз ҳуҷраҳои хизмати тибби оилавӣ бо фарогирии ташхису табобатӣ иборат аст.
Ҳамзамон бо мақсади беҳтар намудани сифати хизматрасонии тиббӣ ба аҳолӣ ва таҳкими заминаи моддӣ–техникии муассисаҳои тиббӣ дар деҳаи Вабисти Ҷамоати деҳоти Навобод аз ҷониби мақомоти иҷроияи ҳокимияти давлатии ноҳияи Шуғнон бунгоҳи нави саломатӣ бунёд гардида истодааст.
Дар сохтмони бунгоҳи тиббӣ сокинони деҳа саҳми арзанда гузошта, масолеҳи сохтмонӣ аз тарафи мақомоти иҷроияи ноҳия ҷудо шудааст.
Бунгоҳи саломатӣ пас аз мавриди истифода қарор гирифтан бо таҷҳизоти зарурии тиббӣ таъмин карда шуда, барои деҳаи Вабист, ки зиёда 460 нафар аҳолӣ дар он сукунат доранд, хизмат мерасонад.
Раиси ноҳияи Шуғнон Ҷумъа Ҷумъазода зимни сафари корӣ дар Ҷамоати деҳоти Навобод аз ҷараёни корҳои сохтмонӣ дар иншооти мазкур дидан намуда, зимни суҳбат масъулинро ба иҷрои босифати корҳои сохтмонӣ вазифадор кард ва таъкид дошт, ки бинои мазкур бояд мутобиқ ба меъёрҳои шаҳрсозӣ сохта шавад.
АКС: Мақомоти иҷроияи ҳокимияти давлатии ноҳияи Шуғнон
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
ҲУҚУҚУ ОЗОДИҲОИ ИНСОН — АРЗИШИ ОЛӢ. Бардошт аз ҳамоиш бахшида ба Рӯзи ҳуқуқи инсон
Дар Шаҳринав дар мавзуи ваҳдату ҳамгироӣ ва дӯстии халқу миллатҳо вохӯрӣ доир шуд
Бахшида ба 31-солагии таъсиси Ҳизби Халқии Демократии Тоҷикистон ҳамоиш баргузор шуд
Дар Тоҷикистон ҳавои моҳи якуми зимистон 1-2 дараҷа гарм пешгӯӣ карда мешавад
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода 8 муассисаи таҳсилоти миёнаи умумиро тариқи фосилавӣ ба истифода доданд
Пешвои миллат Эмомалӣ Раҳмон дар деҳаи Регари шаҳри Турсунзода Муассисаи таҳсилоти миёнаи умумии № 23-ро ба истифода доданд
