БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар Ҳисор сохтмони бинои беморхонаи нав босуръат идома дорад
ДУШАНБЕ, 28.07.2022 /АМИТ «Ховар»/. Дар доираи таҷлили ҷашни 35-солагии Истиқлолияти давлатии Ҷумҳурии Тоҷикистон дар маҳаллаи 8-уми шаҳри Ҳисор сохтмони бинои нави беморхонаи марказӣ босуръат идома дорад. Дар ин бора АМИТ «Ховар» бо истинод ба мақомоти иҷроияи ҳокимияти давлатии шаҳри Ҳисор иттилоъ медиҳад.
Беморхона дар масоҳати умумии 8 гектар бунёд ёфта, масоҳати зери сохтмон 5193 метри мураббаъ, сабзазоркунӣ 8988 ва масоҳати роҳравҳо 13818 метри мураббаъро ташкил медиҳад. Иншоот аз 5 бинои чорқабата иборат буда, барои 205 кати беморон дар назар дошта шудааст.
Фармоишгари иншоот Муассисаи давлатии «Дирексияи сохтмони иншооти ҳукуматӣ»-и Дастгоҳи иҷроияи Президенти Ҷумҳурии Тоҷикистон ва пудратчӣ Ҷамъияти дорои масъулияти маҳдуди «Арш Сохтмон» мебошанд. Маблағи лоиҳавии сохтмон 64 миллион сомониро ташкил дода, то имрӯз 28 миллион сомонӣ аз худ карда шудааст, ки ба 60 фоизи иҷрои корҳои сохтмонӣ баробар аст.
Бо сабаби паҳншавии бемории сироятии СOVID-19 корҳои сохтмонӣ дар ин иншоот муваққатан қатъ гардида буданд. Барои идомаи сохтмон дар соли 2022 боз 5 миллион сомонӣ маблағ ҷудо гардида, корҳои сохтмонӣ вусъати тоза пайдо карданд. Маблағи мазкур барои бунёди маъмурияти беморхона, таваққуфгоҳи нақлиёт, бинои иловагии якқабата барои 105 кат, дегхона барои гармидиҳӣ, кашидани хатҳои обу ташноб ва ғайра масраф мегардад.
Чанде қабл Раиси шаҳри Ҳисор Қосим Роҳбар бо ҷараёни корҳои сохтмонӣ дар ин иншоот шинос гардид. Мавсуф бо сохтмончиён оид ба шароити кору истироҳаташон суҳбат намуда, омодагии мақомоти иҷроияи ҳокимияти давлатии шаҳрро ҷиҳати ҳалли ҳама гуна мушкилот дар самти сохтмон изҳор дошт. Сохтмончиён азм доранд, ки иншоотро бо сифати баланд ва дар муҳлати муайянгардида мавриди баҳрабардорӣ қарор диҳанд.
АКС: Мақомоти иҷроияи ҳокимияти давлатии шаҳри Ҳисор
Доир ба нақши Президенти Тоҷикистон дар рушди забони давлатӣ бо ҷавонони фаъоли ноҳияи Тоҷикобод вохӯрӣ баргузор шуд
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Президенти Ҷумҳурии Тоҷикистон Эмомалӣ Раҳмон аз ҷараёни корҳои сохтмонӣ дар дигар мавзеъҳои сохтмони Неругоҳи «Роғун» боздид намуданд
Сарвари давлат Эмомалӣ Раҳмон бо ҷараёни корҳои сохтмонӣ дар cарбанди Неругоҳи «Роғун» шинос шуданд
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
Пешвои миллат Эмомалӣ Раҳмон дар Неругоҳи «Роғун» аз хобгоҳи бунёднамудаи ҶСК «Тоҷикгидроэлектромонтаж» боздид намуданд
Президенти Ҷумҳурии Тоҷикистон Эмомалӣ Раҳмон дар шаҳри Роғун ду иншооти дигарро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Роғун бинои нави нозироти андози шаҳрро ифтитоҳ намуданд
Пешвои миллат Эмомалӣ Раҳмон дар маркази шаҳри Роғун бинои нави Прокуратураро ифтитоҳ намуданд
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
