Ба муносибати 35-солагии Истиқлолияти давлатӣ дар Шаҳринав 56 иншооти таъйиноти гуногун бунёд мегарданд
ШАҲРИНАВ, 26.07.2022 /АМИТ «Ховар»/. Дар ноҳияи Шаҳринав ҷиҳати иҷрои Амри Президенти Ҷумҳурии Тоҷикистон «Дар бораи омодагӣ ба ҷашни 35-солагии Истиқлолияти давлатии Ҷумҳурии Тоҷикистон» сохтмони 56 иншоот ба нақша гирифта шудааст, ки аз ин шумора 1 адад иншооти соҳаи саноат, 15 адад соҳаҳои кишоварзию тандурустӣ ва варзиш, 4 адад биноҳои баландошёна ва дигар иншооти муҳим мебошанд. Ин матлабро иҷрокунандаи вазифаи Раиси ноҳияи Шаҳринав Абдуқодир Вализода зимни нишасти матбуотӣ баён дошт.
Тавре дар нишасти матбуотӣ зикр гардид, дар давраи ҳисоботӣ теъдоди умумии корхонаҳои саноатии ноҳияи Шаҳринав ба 22 адад расонида шуд, ки асосан дар самти истеҳсол ва коркарди нӯшокиҳои машруботӣ, маҳсулоти нафтӣ, оҳану маводи сохтмонӣ ва ҳамчунин маҳсулоти хӯрокворӣ ва ширӣ фаъолият намуданд.
Дар шаш моҳи соли равон корхонаҳои саноатии ноҳияи Шаҳринав ба маблағи 24 миллиону 168 ҳазор сомонӣ маҳсулот истеҳсол намуданд, ки нисбат ба ҳамин давраи соли гузашта 5 миллиону 398 ҳазор сомонӣ зиёд мебошад. Мувофиқи маълумот, аз 22 корхонаи саноатӣ дар ин давра 16 корхона фаъолияташро мунтазам ба роҳ монда, 6 корхонаи дигар, аз ҷумлаи ҶДММ «Орди Шаҳринав», ҶДММ «Капитал», ҶДММ «Баракати Шаҳринав», ҶДММ «Мурғи Чептура», ҶДММ «Алюмин Сервис» ва ҶДММ «ПАПО Шаҳринав» бо сабабҳои гуногун фаъолият накарданд.
Зимни нишаст зикр шуд, ки кишоварзони ноҳия дар ин давра 7790 тонна ғалла, 1926 тонна меваҳои гуногун ва дигар маҳсулоти кишоварзӣ ҷамъоварӣ намуданд. Маҷмӯи маҳсулоти кишоварзӣ дар шаш моҳи соли равон ба 125 миллиону 469 ҳазор сомонӣ баробар гардид. Дар заминаи ҷамъоварии ҳосили ғалла, пиёзи барвақтӣ ва картошкаю дигар сабзавот дар хоҷагиҳои деҳқонию коллективӣ дар майдони 1100 гектар кишти такрорӣ гузаронида шуд, ки аз ин миқдор 120 гектар шолӣ, 374 гектар лубиёгиҳо, 10 гектар картошка, 200 гектар ҷуворимакка ва 240 гектар сабзавоти гуногун мебошанд.
Субҳониддини МАҲМУД,
АМИТ «Ховар»
АКС: Мақомоти иҷроияи ҳокимияти давлатии ноҳияи Шаҳринав
Дар Вилояти Мухтори Кӯҳистони Бадахшон иншооти иҷтимоию иқтисодӣ ба истифода дода шуданд
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Сарвари давлат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар варзишгоҳи марказии шаҳри Хоруғ бахшида ба ҷашни 35-солагии Истиқлоли давлатӣ
Пешвои миллат Эмомалӣ Раҳмон дар шаҳри Хоруғ дар тантанаҳои идона ба ифтихори ҷашни 35-солагии Истиқлоли давлатӣ иштирок намуданд
Президенти Ҷумҳурии Тоҷикистон Эмомалӣ Раҳмон якчанд иншооти муҳими соҳаи энергетикаро дар Вилояти Мухтори Кӯҳистони Бадахшон ифтитоҳ намуданд
