Ба «Тоҷикфилм» таҳияи филми мустанад дар жанри мардумии «мавригихонӣ» пешниҳод гардид
ДУШАНБЕ, 29.07.2022 /АМИТ «Ховар»/. Имсол дар шаҳри Бухоро Фестивали байналмилалии «Мақом» баргузор мешавад, ки дар он иштироки санъаткорони мақомсарои тоҷик дар назар аст. Дар ин бора зимни мулоқоти Директори Муассисаи давлатии «Тоҷикфилм» Маҳмадсаид Шоҳиён бо Сардори Раёсати фарҳанги вилояти Бухоро Юлдош Кенҷаев ва Директори Филармонияи давлатии шаҳри Бухоро Рауф Авезов, ки бо сафари корӣ дар шаҳри Душанбе қарор доштанд, иттилоъ дода шуд.
Маҳмадсаид Шоҳиён доир ба дастовардҳои солҳои охири «Тоҷикфилм», аз қабили наворбардорӣ, таҳияи филмҳои мустанад ва бадеӣ, баргузории рӯзҳои кинои кишварҳои хориҷӣ дар Ҷумҳурии Тоҷикистон, аввалин киноҷоизаи миллии «Тоҷи Сомон» таҳти шиори «Қадршиносии ҳунари асил» маълумот дода, оид ба тақвияти ҳамкорӣ изҳори омодагӣ намуд.
Директори Филармонияи давлатии шаҳри Бухоро Рауф Авезов доир ба ташаккули санъати мардуми Бухоро, алалхусус жанри мардумии «Мавригихонӣ» маълумот дода, пешниҳод намуд, ки доир ба оммавигардонии ин жанри санъати асили мардуми тоҷик Муассисаи давлатии «Тоҷикфилм» филми мустанаде омода намояд.
София ШОИК,
АМИТ «Ховар»
АКС: МД «Тоҷикфилм»/АМИТ «Ховар»
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
