Бо ташаббуси Тоҷикистон нахустин Муколамаи Женева оид ба масъалаҳои об баргузор шуд
ДУШАНБЕ, 04.07.2022 /АМИТ «Ховар»/. 1 июл дар Швейтсария нахустин Муколамаи Женева оид ба масъалаҳои об, ки аз ҷониби Намояндагиҳои доимии Ҷумҳурии Тоҷикистон, Подшоҳии Нидерланд ва Ҷумҳурии Мисри Араб созмон дода шудааст, баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Муколамаи мазкур аз ҷониби Созмони ҷаҳонии метеорология (WMO), «СММ-Об», Раёсати СММ оид ба коҳиши хатари офатҳои табиӣ (UNDRR), Раёсати Комиссари Олии СММ оид ба ҳуқуқи инсон (OHCHR) ва созмони «Geneva Water Hub» дастгирӣ карда шуда, дар он роҳбарони намояндагиҳои дипломатӣ ва намояндагони сатҳи баланди созмонҳои сохтори СММ ширкат варзиданд.
Ҳадафи асосии Муколамаи зикршуда гузоштани саҳми назарраси созмонҳо ва намояндагиҳои муқими шаҳри Женева ба Конфронси обии СММ-2023 ва инчунин, муайян ва пешниҳоди роҳҳои мушаххас барои суръат бахшидан ба ноил гаштан ба Ҳадафи шашуми рушди устувор ва «Рӯзномаи 2030»-и СММ мебошад.
Намояндаи доимии Ҷумҳурии Тоҷикистон дар назди Шӯъбаи СММ ва дигар ташкилотҳои байналмилалӣ дар Женева Ҷамшед Ҳомидов дар бахши ифтитоҳии сатҳи баланд суханронӣ намуд. Ба иштирокчиён дар бораи Конфронси сатҳи баланд доир ба об, ки дар шаҳри Душанбе 6-9 июни соли равон баргузор гардид, маълумот дода шуд.
Инчунин, дар доираи чорабинии мазкур семинар бахшида ба муҳокимаи масоили об ва коҳиши хатари офатҳои табиӣ барпо гардид, ки он аз ҷониби Намояндагии доимии Ҷумҳурии Тоҷикистон дар якҷоягӣ бо созмони UNDRR ташкил карда шуд.
Акс: ВКХ ҶТ
Дар Ню-Йорк ҳамкории Тоҷикистон ва Созмони Милали Муттаҳид дар соҳаи иртибототи глобалӣ баррасӣ гардид
Густариши ҳамкории Тоҷикистон бо Чин, Қирғизистон ва Покистон баррасӣ шуд
Сироҷиддин Муҳриддин дар нишасти Шурои вазирони корҳои хориҷии Созмони ҳамкории Шанхай иштирок намуд
Масири дӯстӣ: Марҳилаи нави таърихӣ дар муносибатҳои Тоҷикистон ва Муғулистон
Сафири Тоҷикистон бо намояндагони Котиботи давлатии ИМА мулоқот намуд
САФАРИ ТАЪРИХӢ БА ҚАЛБИ ОСИЁ. Ва ё чаро Муғулистон барои Тоҷикистон муҳим аст?
Дар Москва қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» муаррифӣ шуд
Дар Масқат масъалаи рушди ҳамкории Тоҷикистону Умон дар соҳаи тандурустӣ баррасӣ шуд
Рушди муносибатҳои дуҷонибаи Тоҷикистон ва Кувайт баррасӣ шуд
Идибек Қаландар дар Муколамаи сатҳи баланди сиёсӣ ва амниятии Иттиҳоди Аврупо ва Осиёи Марказӣ иштирок намуд
Сафири Тоҷикистон дар Давлати Кувайт бо Дабири кулли Муколамаи ҳамкории Осиё мулоқот намуд
Мероси Мир Сайид Алии Ҳамадонӣ дар нишасти байналмилалӣ дар Теҳрон баррасӣ гардид
