Дар Балҷувон асари безаволи «Тоҷикон» китоби рӯйимизӣ гардидааст
БАЛҶУВОН, 31.07.2022 /АМИТ «Ховар»/. Бо Амри Президенти Ҷумҳурии Тоҷикистон муҳтарам Эмомалӣ Раҳмон ба ифтихори 115-солагии академик Бобоҷон Ғафуров соли 2023 Озмуни ҷумҳуриявии ««Тоҷикон»-оинаи таърихи миллат» баргузор карда мешавад. Озмуни мазкур ба хотири худшиносии миллӣ, огоҳ шудан аз таъриху фарҳанг ва омӯзиши китоби «Тоҷикон»-и академик Бобоҷон Ғафуров эълон гардидааст.
Сокини ноҳияи Балҷувон Шоҳиддин Абдуллозода ба хабарнигори минтақавии АМИТ «Ховар» Сулаймон Холзода гуфт, ки “Президенти Тоҷикистон бо мақсади дастрасии сокинони мамлакат ба асари мазкур онро нашр ва ба ҳар як оила туҳфа намуданд. Ҳоло дар ҳар хонавода ин асари безавол китоби рӯйимизӣ гардидааст ва онро дастҷамъона мехонанд. Калонсолон мегӯянд, ки дар овони ҷавониашон дастрасӣ ба ин китоб хеле мушкил буд ва барои хонданаш ҳафтаҳову моҳҳо дар навбат меистодаанд. Имрӯз бо хондани ин китоби таърихӣ тоҷикон аз таърихи қадимтарин, қадим, асри миёна ва давраи нав баҳравар мегарданд”.
Иқдоми навбатии Президенти мамлакат оид ба баргузории Озмуни ҷумҳуриявии ««Тоҷикон»-оинаи таърихи миллат» ҳамаи қишрҳои ҷомеаро хушнуд намуд. Ҷомеашиносон мегӯянд, ки баргузории озмуни мазкур завқи наврасону ҷавононро барои аз бар кардани ин асари таърихӣ баланд мебардорад.
Асари таърихӣ ва илмию пажӯҳишии «Тоҷикон»-ро ба дигар забонҳо тарҷума кардаанд ва дар аксари донишгоҳҳои бонуфузи ҷаҳон онро меомӯзанд. Дар ин китоб дар баробари тоҷикон таърихи дигар миллату халқият, ки бо тоҷикон равобит доштанд, дарҷ гардидааст.
Ёдовар мешавем, ки Озмуни ҷумҳуриявии «Тоҷикон» – оинаи таърихи миллат» бо мақсади арҷгузорӣ ба таърихи пурифтихори миллати тоҷик, омӯзиши амиқу ҳамаҷонибаи корномаҳои шоистаи ниёгони миллати тоҷик дар тӯли таърих, тақвияти ҳисси худогоҳӣ ва худшиносии миллӣ, ифтихори ватандорӣ, таҳкими ҳофизаи таърихӣ ва ба ин васила, шинохти нақши халқи куҳанбунёду фарҳангсолори тоҷик дар рушди тамаддуни инсоният, ки бо далелҳои раднопазир ва бо такя ба сарчашмаҳои илмию таърихӣ дар китоби мондагору пурарзиши академик Бобоҷон Ғафуров «Тоҷикон» ва дигар асарҳои таърихӣ инъикос ёфтааст, ба ифтихори 115-солагии академик Бобоҷон Ғафуров таҳти сарпарастии Президенти Ҷумҳурии Тоҷикистон соли 2023 доир мегардад.
АКС: АМИТ «Ховар»
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
Дӯстӣ пойдор бошад, комёбиҳо бештар мегарданд. Эҳдо ба Рӯзи байналмилалии дӯстӣ
Китоби «Фурӯғи худшиносии миллӣ» ба нашр расид
Дастовардҳои Тоҷикистон дар намоиши байналмилалии осорхонавӣ дар Чин ба тамошо гузошта мешаванд
«ТОҶИ СОМОН». Дар ин синамоҷашнвораи байналмилалӣ синамогарон аз 20 давлат иштирок менамоянд
НИШАСТИ МАТБУОТӢ. Банаворгирии филми таърихии муштараки «Дурахши ахтарон: Ҷомӣ ва Навоӣ» моҳи август оғоз мегардад
НИШАСТИ МАТБУОТӢ. Кумитаи забон ва истилоҳот зиёда аз 10 ҳазор истилоҳро баррасӣ ва мувофиқа намуд
Донишҷӯёни Коллеҷи омӯзгории шаҳри Кӯлоб дар озмунҳои ҷумҳуриявӣ фаъолона иштирок доранд
