Дар Беларус Анҷумани ташкилоти ҷавонони кишварҳои узви ИДМ баргузор гардид
ДУШАНБЕ, 18.07.2022. /АМИТ «Ховар»/. Аз 14 то 17 июл дар Хонаи ҷумҳуриявии ҷавонон дар шаҳри Минск ва Витебски Ҷумҳурии Беларус Анҷумани ташкилоти ҷавонони кишварҳои узви ИДМ «Вектор барои оянда» баргузор гардид. Дар ин бора ба АМИТ «Ховар» муовини раиси Иттифоқи ҷавонони Тоҷикистон Умед Раҳимзода хабар дод.
Дар кори Анҷуман ташкилоти ҷавонони кишварҳои узви ИДМ — Арманистон, Озарбойҷон, Русия, Беларус, Қазоқистон, Қирғизистон, Узбекистон ва Тоҷикистон ширкат доштанд.
Анҷумани ташкилоти ҷавонони кишварҳои узви ИДМ платформаи ҳарсолаи байналмилалии коммуникатсионӣ дар самти таҳкими ҳамкории байналмилалии ҷавонон ва татбиқи сиёсати ҷавонон дар кишварҳои ИДМ буда, шакли кории он дар ду сиға: фосилавӣ ва ҳузурӣ идома ёфт.
Зимнан масъалаҳо вобаста ба амалигардонии сиёсати ҷавонон ва дигар лоиҳаҳои корӣ мавриди баррасӣ қарор дода шуданд.
Аз ҷониби Тоҷикистон муовини раиси Иттифоқи ҷавонони Тоҷикистон Умед Раҳимзода дар кори Анҷуман ба таври фосилавӣ ширкат варзида, барои баргузории чунин чорабинии сатҳи баланд изҳори сипос намуд.
Умед Раҳимзода зикр кард, ки дар Ҷумҳурии Тоҷикистон ҷавонон ҳамеша дар маркази диққати Роҳбарияти олии мамлакат, хусусан Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, барои рушди неруи зеҳнии ҷавонон, соҳибкасбу соҳибилм гардидани қишри ояндадори ҷомеа ва барои дар фазои созанда ба воя расидани ин насл шароити мусоид фароҳам оварда шудааст.
Аз ҷумла, барои дастгирии ҷавонон Стипендия ва Квотаи Президенти Ҷумҳурии Тоҷикистон, Ҷоизаи ба номи Исмоили Сомонӣ барои олимони ҷавон ва Стипендияи дурахшандагон барои ҷавонони дар хориҷи кишвар таҳсилкунанда таъсис дода шудаанд.
«Имрӯз ҷавонони Тоҷикистон бо истифода аз имконияти фароҳамовардаи Ҳукумати мамлакат сидқан пайи омӯзишу фаъолият буда, дар рушди соҳаҳои гуногун саҳми арзишманд мегузоранд ва дар арсаи ҷаҳонӣ кишвари хешро муаррифӣ менамоянд», — афзуд Умед Раҳимзода.
АКС: Иттифоқи ҷавонони Тоҷикистон
ОГОҲӢ. То 13 ноябр дар Тоҷикистон ҳавои номусоид пешгӯӣ мешавад
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
