Дар Душанбе ҷаласаи нахустини Шӯрои ҳамоҳангсозӣ оид ба ҳунармандӣ баргузор гардид
ДУШАНБЕ, 16.07.2022 /АМИТ «Ховар»/. 15 июл дар шаҳри Душанбе таҳти раёсати муовини Сарвазири Ҷумҳурии Тоҷикистон Матлубахон Сатториён ҷаласаи нахустини Шӯрои ҳамоҳангсозӣ оид ба ҳунармандӣ баргузор гардид.
Тавре дар маркази матбуоти Вазорати меҳнат, муҳоҷират ва шуғлии аҳолии мамлакат иттилоъ доданд, дар кори ҷаласа Вазири меҳнат, муҳоҷират ва шуғли аҳолӣ Ширин Амонзода, аъзои ҳайати Шӯро, раисони Шӯро оид ба ҳамоҳангсозӣ ва рушди ҳунармандӣ дар ВМКБ, вилоятҳои Суғду Хатлон, шаҳри Душанбе, шаҳру ноҳияҳои тобеи ҷумҳурӣ ва намояндагони вазорату идораҳо иштирок доштанд.
Ширин Амонзода иброз намуд, ки соҳаи ҳунармандӣ парвардаи даврони Истиқлолияти давлатӣ буда, таҳти роҳбарии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад ва сол то сол рушд меёбад.
Гуфта шуд, ки аз оғози соли 2020 бо муайян намудани мақоми ваколатдори давлатӣ дар соҳаи ҳунармандӣ аз ҷониби Ҳукумати Ҷумҳурии Тоҷикистон пешбурди сиёсати соҳа ба зиммаи Вазорати меҳнат, муҳоҷират ва шуғли аҳолӣ вогузор гардидааст.
Дар як соли охир ҷиҳати ба низом даровардани соҳа ва муайян кардани самти сиёсат аз ҷониби вазорат санадҳои зиёди меъёрӣ ва ҳуқуқӣ омода ва аз тарафи Ҳукумати мамлакат ба тасвиб расида, мавриди корбарии вазорату идораҳо ва мақомоти иҷроияи ҳокимияти давлатии ВМКБ, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ қарор дода шуданд.
Бо мақсади эҳё ва омӯзиши ҳунарҳои мардумӣ, рушди ҳунармандӣ ҳамчун соҳаи таъмини шуғли пурмаҳсул дар деҳот ва рушди сайёҳӣ соли гузашта 47 «Маркази ҳунарҳои миллӣ ва муосир» дар назди муассисаи давлатии таҳсилоти ибтидоии касбӣ, «Маркази таълими калонсолони Тоҷикистон» ва Коллеҷи муҳандисию омӯзгории шаҳри Душанбе бо фарогирии 94 воҳиди корӣ таъсис дода шуданд. Аз 47 маркази таъсисдодашуда ба ВМКБ — 1, вилоятҳои Суғд — 15, Хатлон — 16, шаҳри Душанбе — 6 ва ноҳияҳои тобеи ҷумҳурӣ — 9 адад рост меоянд, ки аз рӯйи 50 касбу ҳунарҳои миллӣ ва муосир шунавандагонро ба курсҳои кӯтоҳмуддати 1, 2 ва 3-моҳа ба омӯзиш ҷалб менамоянд.
Тибқи маълумоти оморӣ, ҳоло дар ҷумҳурӣ 6752 нафар ҳунармандон ба истеҳсоли маҳсулоти ҳунармандӣ машғул мебошанд, ки аз ин шумора 226 адад ба ВМКБ, 1636 адад ба вилояти Хатлон, 3983 адад ба вилояти Суғд, 828 адад ба шаҳру ноҳияҳои тобеи ҷумҳурӣ ва 79 адад ба шаҳри Душанбе рост меоянд.
АКС: Вазорати меҳнат, муҳоҷират ва шуғлии аҳолии ҶТ
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
