Дар Куала-Лумпур бахшида ба 30-солагии истиқрори муносибатҳои дипломатӣ байни Малайзия ва кишварҳои Осиёи Марказӣ симпозиум баргузор шуд
ДУШАНБЕ, 04.07.2022 /АМИТ «Ховар»/. 30 июн дар шаҳри Куала-Лумпур таҳти унвони «Меҳвари нави рушд» Симпозиум бахшида ба 30-солагии истиқрори муносибатҳои дипломатӣ байни Малайзия ва кишварҳои Осиёи Марказӣ баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Симпозиум бо ташаббуси Сафорати Ҷумҳурии Тоҷикистон дар якҷоягӣ бо Вазорати корҳои хориҷии Малайзия, сафоратҳои кишварҳои Осиёи Марказӣ дар Куала Лумпур ва Институти дипломатия ва муносибатҳои хориҷӣ (IDFR) баргузор карда шуд.
Муовини Вазири корҳои хориҷии Малайзия Дато Камарудин Ҷафар ба Симпозиум ҳусни ифтитоҳ бахшида, дар кори он сафирони кишварҳои Осиёи Марказӣ, кормандони аршади Вазорати корҳои хориҷӣ, намояндагони вазорату идораҳо ва муҳаққиқону донишмандони Малайзия муносибатҳои дипломатӣ, дурнамои ҳамкории иқтисодӣ ва роҳҳои ояндаи густариши ҳамкории минтақавӣ байни Малайзия ва кишварҳои Осиёи Марказиро муҳокима намуданд.
Сафири Тоҷикистон дар Малайзия Ардашер Қодирӣ зимни суханронӣ таъкид намуд, ки Ҳукумати Тоҷикистон ба таҳкими равобити дӯстона бо Малайзия аҳамияти хоса дода, ҳамкориро бо ин кишвар яке аз самтҳои афзалиятноки сиёсати хориҷии худ медонад. Малайзия ҳамчун кишвари дӯст ва шарики боэътимод дар минтақаи босуръат рушдёбандаи Осиёи Ҷанубу Шарқӣ шинохта шудааст.
Ҳамчунин зикр гардид, ки Тоҷикистон метавонад нақши як дарвозаи боз барои роҳандозии тиҷорати Малайзия дар минтақаи Осиёи Марказӣ, Афғонистон ва дигар кишварҳои ҳамсоя бошад ва дар навбати худ Малайзия барои Тоҷикистон метавонад пайвандгар бо кишварҳои АСЕАН шавад.
Дар доираи симпозиум барномаи фарҳангӣ бо рақсу сурудҳои миллӣ, намоишгоҳи маҳсулоти ҳунарҳои мардумӣ, аксҳо ва дигар маълумот пешкаши иштирокдорон гардиданд.
Акс: ВКХ ҶТ
Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
