Дар Шуғнон масъалаи таъминоти аҳолӣ бо оби нӯшокиву полезӣ ва бунёди боғҳои нав баррасӣ гардид
ДУШАНБЕ, 06.07.2022 /АМИТ «Ховар»/. Раиси ноҳияи Шуғнон Ҷумъа Ҷумъазода бо намояндаи Ташкилоти ҷамъиятии «Барги Сабз» Гулбаҳор Одинамамадова оид ба таъминоти аҳолӣ бо оби нӯшокиву полезӣ ва бунёди боғҳои нав мулоқоти судманд анҷом дод. Дар ин бора АМИТ «Ховар» бо истинод ба Мақомоти иҷроияи ҳокимияти давлатии ноҳияи Шуғнон хабар медиҳад.
Ҷонибҳо оид ба густариш додани ҳамкорӣ дар масъалаи беҳтар намудани таъминоти аҳолии ноҳияи Шуғнон бо оби нӯшокӣ, обёрии заминҳои корам ва азхудкунии заминҳои нави кишоварзӣ тавассути насб намудани насоси офтобӣ барои обкашӣ, бунёди боғҳои нав табодули назар намуданд.
Инчунин зикр шуд, ки то охири соли ҷорӣ аз тарафи мутахассисон дар ноҳияи мазкур корҳои тадқиқотии иншоот дар деҳаҳо ба роҳ монда шуда, шуруъ аз аввали соли 2023 амалишавии лоиҳаҳо дар ҳудуди ноҳия оғоз хоҳанд ёфт.
Раиси ноҳия ҷиҳати мусоидат намудан дар пешниҳоди маълумоти зарурӣ барои амалӣ намудани лоиҳа дар ноҳия ибрози назар кард ва ҳамзамон масъулини сохторҳои дахлдори ноҳияро барои ҳамкорӣ намудан бо шарикон муваззаф намуд.
АКС: Мақомоти иҷроияи ҳокимияти давлатии ноҳияи Шуғнон
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
