Дар Шуғнон масъалаи таъминоти аҳолӣ бо оби нӯшокиву полезӣ ва бунёди боғҳои нав баррасӣ гардид
ДУШАНБЕ, 06.07.2022 /АМИТ «Ховар»/. Раиси ноҳияи Шуғнон Ҷумъа Ҷумъазода бо намояндаи Ташкилоти ҷамъиятии «Барги Сабз» Гулбаҳор Одинамамадова оид ба таъминоти аҳолӣ бо оби нӯшокиву полезӣ ва бунёди боғҳои нав мулоқоти судманд анҷом дод. Дар ин бора АМИТ «Ховар» бо истинод ба Мақомоти иҷроияи ҳокимияти давлатии ноҳияи Шуғнон хабар медиҳад.
Ҷонибҳо оид ба густариш додани ҳамкорӣ дар масъалаи беҳтар намудани таъминоти аҳолии ноҳияи Шуғнон бо оби нӯшокӣ, обёрии заминҳои корам ва азхудкунии заминҳои нави кишоварзӣ тавассути насб намудани насоси офтобӣ барои обкашӣ, бунёди боғҳои нав табодули назар намуданд.
Инчунин зикр шуд, ки то охири соли ҷорӣ аз тарафи мутахассисон дар ноҳияи мазкур корҳои тадқиқотии иншоот дар деҳаҳо ба роҳ монда шуда, шуруъ аз аввали соли 2023 амалишавии лоиҳаҳо дар ҳудуди ноҳия оғоз хоҳанд ёфт.
Раиси ноҳия ҷиҳати мусоидат намудан дар пешниҳоди маълумоти зарурӣ барои амалӣ намудани лоиҳа дар ноҳия ибрози назар кард ва ҳамзамон масъулини сохторҳои дахлдори ноҳияро барои ҳамкорӣ намудан бо шарикон муваззаф намуд.
АКС: Мақомоти иҷроияи ҳокимияти давлатии ноҳияи Шуғнон
Давлатҳое, ки ҳавои ифлостарин доранд, номбар шуданд
Манъи телефонҳои мобилӣ дар мактабҳо ба хонандагони шведӣ манфиат меорад
Ҳамкории Тоҷикистон ва Эрон дар самти сайёҳӣ густариш меёбад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар ноҳияи Дарвоз ҳашарҳои экологӣ гузаронида шуданд
Дар Бадахшон 56 нафар ронандагон аз сабти мақомоти андоз гузаштаанд
Имрӯз дар шаҳри Душанбе ҳаво то 23 дараҷа гарм мешавад
ДАРАХТ БИНШОН! Дар шоҳроҳи байналмилалии Душанбе-Кӯлоб-Хоруғ 1350 бех ниҳол шинонида шуд
Тоҷикистон бо ширкати «Acwa Power» дар самти рушди манбаъҳои барқароршавандаи энергия ҳамкориро густариш медиҳад
Имрӯз дар Тоҷикистон ҳавои тағйирёбанда пешгӯӣ мешавад
Президенти Тоҷикистон бо сафари расмӣ ба Федератсияи Русия мераванд
