Дар Швейтсария масъалаи барқарор намудани намояндагии доимии Хазинаи байналмилалии асъор дар Тоҷикистон баррасӣ шуд
ДУШАНБЕ, 05.07.2022 /АМИТ «Ховар»/. Зарурати роҳандозии барномаи нави ислоҳоти иқтисодӣ дар доираи «Механизми васеи қарздиҳӣ» аз ҷониби Хазинаи байналмилалии асъор (ХБА), барқарор намудани намояндагии доимии Хазина дар Тоҷикистон, ки дар татбиқи ҳадафҳо ва ислоҳотҳо нақши ҳамоҳангсозро иҷро мекунад, дар мулоқоти Раиси Бонки миллии Тоҷикистон Ҳоким Холиқзода бо Директори ХБА хонум Кристалина Георгиева дар доираи баргузории ҷаласаҳои солонаи Гурӯҳи Электорати ХБА дар шаҳри Бад-Рагази Швейтсария баррасӣ шуд. Дар ин бора ба АМИТ «Ховар» дар Бонки миллии Тоҷикистон иттилоъ доданд.
Ҳоким Холиқзода аз ҳамкории самарабахши ХБА ва дастгирии ин ниҳоди бонуфузи байналмилалии молиявӣ барои рушди иқтисодиёти Тоҷикистон изҳори қаноатмандӣ намуда, барои тавсеаи ҳамкории оянда изҳори ҳавасмандӣ намуд.
Мавсуф омодагии ҷониби Тоҷикистонро барои муколамаи озод ва ҳамкорӣ баён намуда, ҷиҳати баргузории ҷаласаҳои солонаи ХБА ва Гурӯҳи Бонки ҷаҳонӣ (БҶ) дар соли 2026 дар Тоҷикистон даъват ба амал овард.
Ҷаласаҳои солонаи Гурӯҳи Электорати ХБА аз 3 то 6 июл дар шаҳри Бад-Рагази Швейтсария идома дошта, дар он ҳайати расмии Тоҷикистон бо шумули Вазири молия Файзиддин Қаҳҳорзода, Раиси Бонки миллӣ Ҳоким Холиқзода ва намояндаи ҷумҳурӣ дар БҶ ва ХБА Илҳом Раҷабов иштирок дорад.
АКС: Бонки миллии Тоҷикистон
Рушди низоми миллии зондкунии фосилавии Замин дар Тоҷикистон баррасӣ гардид
Дар Тоҷикистон вазъи мелиоративии беш аз 91 ҳазор гектар замин беҳтар гардонида мешавад
БЕХАТАРИИ КӮДАКОНРО ДАР РОҲҲО ЗЕҲНИ СУНЪӢ ТАЪМИН МЕСОЗАД. Байни Тоҷикистон ва Корея санади ҳамкорӣ ба имзо расид
Роҳи мошингарди Ваҳдат – Роғун дар муҳлати якуним сол сохта, ба истифода дода мешавад
МОРАТОРИЙ БА ҲАМА НАМУДИ САНҶИШҲОИ ФАЪОЛИЯТИ СУБЪЕКТҲОИ СОҲИБКОРИИ ХУРДУ МИЁНА. Андешаҳо дар ин мавзуъ
Даромади буҷети давлатии Тоҷикистон барои соли 2027 80,1 миллиард сомонӣ пешбинӣ шудааст
ПУЛИ МИЛЛӢ –«СОМОНӢ». Банкнотаҳои он на танҳо воситаи пардохт, балки бозтоби таърих, фарҳанг, дастовардҳо ва ҳувияти миллии Тоҷикистон мебошанд
Дар Душанбе Конфронси байналмилалӣ оид ба зеҳни сунъӣ — AICONF-2026 оғоз гардид
ТАЪРИХИ ПАЙДОИШИ АСЪОРИ МИЛЛӢ. Эҳтироми пули миллӣ эҳтироми миллат аст!
ҚУРБИ АСЪОР: 1 доллари ИМА аз 9.1400 то 9.2165 сомонӣ муқаррар шудааст
Дар Остона Конфронси байналмилалии иқтисодии Фонди авруосиёии субот ва рушд баргузор гардид
Байни Тоҷикистон ва БАТР ба маблағи беш аз 62 миллион евро созишномаҳои қарзию грантӣ ба имзо расиданд
