Дар соҳили дарёи Сурхоб барои муҳоҷирони экологӣ ва ниёзмандон 60 манзили истиқоматӣ, мактаб ва бунгоҳи тиббӣ бунёд мешавад
ТОҶИКОБОД, 26.07.2022 /АМИТ «Ховар»/. Бо дастгирии Ҳукумати Ҷумҳурии Тоҷикистон аз тарафи Ташкилоти хайриявии «Тоҷикистон» бунёди 60 манзили истиқоматӣ, мактаб ва бунгоҳи тиббӣ дар соҳили дарёи Сурхоб барои муҳоҷирони экологӣ ва ниёзмандон ба нақша гирифта шудааст. Дар ин бора Раиси ноҳияи Тоҷикобод Қадриддин Фақерзода зимни нишасти матбуотӣ ибрози назар намуд.
Қадриддин Фақерзода гуфт, ки дар назар аст ташкилоти байналмилалии «Каритас» шабакаи гармидиҳии меҳмонхонаи маркази ноҳияро бунёд намуда, онро таъмири пурра намояд. Ҳамчунин аз ҳисоби ҳамин ташкилот маркази ноҳия бо оби нӯшокӣ пурра таъмин шуда, мушкилоти норасоии оби ошомиданӣ бартараф мегардад.
Зимни нишасти матбуотӣ зикр шуд, ки дар асоси дастуру супоришҳои Пешвои миллат муҳтарам Эмомалӣ Раҳмон баҳри таъмини амнияти озуқаворӣ дар ноҳияи Тоҷикобод майдони кишти картошка нисбат ба соли сипаришуда 145 гектар зиёд карда шуд, ки ин дастоварди назарраси кишоварзон дар мавсими кишти имсола мебошад.
Дар ҳамаи шаклҳои хоҷагидории ноҳия майдони картошказор ба 2067 гектар расонида шуд, ки 911 гектари он ба сохтори кишоварзӣ рост меояд. Майдони ғаллазор аз ҳисоби кишти тирамоҳӣ ва баҳорӣ 1141 гектарро ташкил дода, кишоварзон инчунин дар майдони 150 гектар сабзавот ва дар 84 гектар зироати техникӣ кишт намудаанд.
Субҳониддини МАҲМУД,
АМИТ «Ховар»
АКС: АМИТ «Ховар»
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
«ТОҶИКИСТОН, БА ПЕШ!». Дар шаҳри Ҳисор ташкилоти ибтидоии нави Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон ҳаво то 40 дараҷа гарм мешавад
Дар лагерҳои «Шабдез» ва «Саодат»-и Вилояти Мухтори Кӯҳистони Бадахшон 230 нафар хонандагон ба истироҳат фаро гирифта шуданд
ИСТИФОДАИ САМАРАНОКИ ЗАМИН. Сокинони биноҳои баландошёнаи шаҳри Норак дар ин самт намунаи ибратанд
Дар Истаравшан корҳои омодагӣ ба соли хониши 2025-2026 вусъат меёбанд
Дар шаҳри Норак 5215 нафар кӯдакону наврасон ба истироҳатгоҳҳо ҷалб карда мешаванд
Дар Китобхонаи миллӣ барои шахсони имконияташон маҳдуд «Гӯшаи китобҳои гӯё» ташкил гардид
Имрӯз ҳаво дар Душанбе то 41 дараҷа гарм мешавад
