Дар Суғд маҷмӯаҳои нахустини ашъори панҷ нафар шоирони ҷавон ба нашр расиданд
ДУШАНБЕ, 28.07.2022 /АМИТ «Ховар»/. Бо дастгирии Раиси вилояти Суғд Раҷаббой Аҳмадзода маҷмӯаҳои нахустини ашъори панҷ нафар шоирони ҷавон аз чоп баромаданд, хабар медиҳад АМИТ «Ховар» бо истинод ба муовини аввали Раиси Иттифоқи нависандагони Тоҷикистон Ато Мирхоҷа.
Ёдовар мешавем, ки соли 2021 дар шаҳри Хуҷанд марҳалаи ҷумҳуриявии Машварати омӯзишии адибони ҷавон барпо гардид. Зимни он Раиси вилоят иброз намуд, ки китобҳои иштироккунандагонеро, ки аз ҷониби устодон баҳои баланд мегиранд, ба чоп мерасонад.
Пас аз чанд муддат ин иқдоми Раиси вилоят амалӣ гардида, китобҳои шоирони ҷавон Шаҳнози Шаҳнавоз, Хуршед Эҳсон, Абдуманнони Хаммор, Шаҳриёр Олимӣ ва Нурӣ Муҳаммади Истам таҳти рубрикаи «Аз силсилаи «Шукуфаҳои истиқлол» ба чоп расиданд.
Тибқи иттилои котиби масъули шуъбаи Иттифоқи нависандагон дар вилояти Суғд Аҳмадҷон Раҳматзод, айни замон дар нашриёти «Хуросон» маҷмӯаҳои дастҷамъии назмӣ ва насрии иштироккунандагони дигари машварат дар ҳоли нашр қарор доранд ва дар назар аст, ки то ҷашни Истиқлолияти давлатӣ ин китобҳо низ ба дасти хонандагон расанд.
Иттифоқи нависандагони Тоҷикистон рӯнамоии китобҳои мазкур ва китобҳои боқимондаеро, ки ҳоло омодаи чопанд, охири моҳи август ба нақша гирифтааст.
АКС аз манбаъҳои боз
«ИЛМ–ФУРӮҒИ МАЪРИФАТ». 19 октябр даври чоруми озмуни ҷумҳуриявӣ оғоз мегардад
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
