Директори Институти астрофизикаи Академияи миллии илмҳои Тоҷикистон: Имрӯз сокинони кишвар метавонанд дар осмон Моҳи бузургро бубинанд
ДУШАНБЕ, 13.07.2022 /АМИТ «Ховар»/. Сокинони Тоҷикистон имрӯз, 13 июл метавонанд моҳи пурраро мушоҳида кунанд, ки ҳамагӣ 9 соат пас аз убури Моҳ аз нуқтаи наздик ба Замин фаро мерасад. Астрономҳо ин падидаро Моҳи бузург меноманд. Дар ин бора ба АМИТ «Ховар» директори Институти астрофизикаи Академияи миллии илмҳои Тоҷикистон, доктори илмҳои физикаю математика, узви вобастаи АМИТ Гулчеҳра Қоҳирова хабар дод.
«Моҳи бузург падидаест, ки дар он моҳвораи табиии Замин ба масофаи наздик ба он наздик мешавад. Имрӯз масофаи он то ҳадди ақал дар соли 2022 — 362 ҳазор км кам мешавад», — гуфт ӯ.
Ба гуфтаи ӯ, сокинони Тоҷикистон метавонанд соати 23:38 ба вақти Душанбе шоҳиди ин падидаи астрономӣ шаванд. Имрӯз тулӯи моҳ соати 19:58 ва ғуруби моҳ соати 04:05 ба вақти Душанбе сурат мегирад.
Тибқи ҳисобҳои астрономӣ, Моҳ ба Замин ба масофаи 357 264 километр наздик мешавад, ки ин қариб ба масофаи минималии байни онҳо баробар аст.
Мутахассис доир ба хавфу хатари ин падида зикр кард, ки масофа дар воқеъ аз рӯи меъёрҳои кайҳонӣ каме тағйир ёфтааст ва ба қувваи кашиши Моҳ таъсир намерасонад.
«Ин як падидаи оддии астрономӣ аст, ки такрор ба такрор рух дода, ба офатҳои табиӣ оварда намерасонад ва ба ҳаёти ҳаррӯзаи мо таъсир намекунад», — тазаккур дод Гулчеҳра Қоҳирова.
Сокинони Тоҷикистон аз ҳар гӯша метавонанд ин манзараи зебою таъсирбахшро тамошо кунанд.
Бино ба гуфтаи Гулчеҳра Қоҳирова, Моҳро дар ҷойҳое, ки нури шаҳр кам аст, мушоҳида кардан осонтар аст.
Зебои ЮСУФ,
АМИТ «Ховар»
АКС аз манбаъҳои боз
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
СОТИМ УЛУҒЗОДА ВА ҚАДРШИНОСИИ ПЕШВОИ МИЛЛАТ. Эҳдо ба 115-солагии Нависандаи халқии Тоҷикистон Сотим Улуғзода
Дар Душанбе китоби «Президент сказал: Любите!…» рӯнамоӣ гардид
