Донишгоҳи давлатии омӯзгории Тоҷикистон бо Ширкати «Технологияи таълими Shangdon Daliangzao»-и Чин созишномаи ҳамкорӣ имзо намуд
ДУШАНБЕ, 14.07.2022. /АМИТ «Ховар»/. Миёни Донишгоҳи давлатии омӯзгории Тоҷикистон ба номи Садриддин Айнӣ ва Ширкати «Технологияи таълими Shangdon Daliangzao»-и Ҷумҳурии Мардумии Чин созишномаи ҳамкорӣ ба имзо расид. Созишномаи мазкур дар асоси дархост ва интихоби беш аз 1000 нафар хатмкунандаи муассисаҳои таҳсилоти миёна ва коллеҷҳои Ҷумҳурии Мардумии Чин таҳия ва тасвиб шуда, ба таҳсил фаро гирифтани ин хатмкунандагонро дар зинаи бакалавриат аз рӯи ихтисосҳои омӯзгорӣ Донишгоҳ ба тариқи фосилавӣ ва онлайн дар назар дорад. Дар ин бора котиби матбуоти Донишгоҳи давлатии омӯзгории Тоҷикистон ба номи С. Айнӣ Ҳабибулло Сатторов ба АМИТ «Ховар» хабар дод.
Дар маросими ба имзорасонии созишнома Ректори донишгоҳ Аҳлиддин Ибодуллозода ва намояндаи Ширкати «Технологияи таълими Shangdon Daliangzao»-и Ҷумҳурии Мардумии Чин дар Тоҷикистон Мақсудҷон Қаҳҳоров ширкат варзиданд.
Зикр шуд, ки раёсати Донишгоҳ дар ояндаи наздик ҷиҳати тавсеаи ҳамкорӣ дар соҳаи таълим таҳсили фосилавии довталабони чиниро ҳамчунин дар зинаҳои магистратура ва докторантура аз рӯи ихтисос (Phd) низ амалӣ хоҳад кард.
Таъкид гардид, ки довталабони хориҷӣ ба Донишгоҳи давлатии омӯзгории Тоҷикистон ба номи Садриддин Айнӣ таваҷҷуҳи зиёд дошта, айни ҳол аз Ҷумҳурии Узбекистон 3960 нафар, аз Туркманистон 561 нафар, аз Ҷумҳурии Исломии Афғонистон 6 нафар, аз Ҷумҳурии Қазоқистон 10 нафар, аз Ҷумҳурии Қирғизистон 1 нафар, дар маҷмӯъ 4538 нафар шаҳрванди хориҷӣ дар Донишгоҳ таҳсил менамоянд.
Донишгоҳ бо чунин нишондод дар миёни муассисаҳои таҳсилоти олии кишвар дар мақоми аввал қарор дорад.
Мавриди зикр аст, ки довталабони хориҷӣ бештар ба ихтисосҳои омӯзгории равияи илмҳои дақиқ ва риёзӣ, аз ҷумла ба ихтисосҳои химия, биология, математика ва физика таваҷҷуҳ зоҳир менамоянд.
АКС: Донишгоҳи давлатии омӯзгории Тоҷикистон ба номи Садриддин Айнӣ
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
