Ду зоири тоҷик дар Маккаи Арабистони Саудӣ вафот карданд
ДУШАНБЕ, 14.07.2022 /АМИТ «Ховар»/. Ду шаҳрванди Тоҷикистон дар айёми будубоши зоирон дар Мино бинобар сабаби сактаи дил аз олам даргузаштанд. Маросими ҷанозаи ҳарду марҳум дар «Масҷид-ул-ҳаром» баргузор гардид. Ин хабарро ба АМИТ «Ховар» котиби матбуоти Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Афшини Муқим таъйид кард.
Номбурда аз қавли сардухтури мавсими ҳаҷ-2022 Турахон Шарифзода иттилоъ дод, ки зоирони фавтида сокини 62-солаи шаҳри Исфара Муҳаммад Расулов ва сокини 64-солаи ноҳияи Қубодиён Қизларгул Тоҷиева мебошанд.
Бино ба гуфтаи Турахон Шарифзода, миёни зоирони тоҷик ягон ҳолати гирифторӣ ба бемории сироятии COVID-19 ба қайд гирифта нашудааст.
Дар робита ба вазъи зоирини тоҷик ӯ тазаккур дод, ки бинобар гармии аз ҳад баланд, онҳо оби хунук зиёд истеъмол мекунанд ва гирифтори бемориҳои дарди гулӯ, зуком, дарди мушак ва фишорбаландӣ мегарданд.
Тавре қаблан АМИТ «Ховар» хабар дод, субҳи 20 июн, пас аз ду соли маҳдудиятҳои марбут ба коронавирус, нахустин гурӯҳи зоирони тоҷик барои адои маносики ҳаҷ ба Шоҳигарии Арабистони Саудӣ сафарбар гардид.
Акрамхоҷа АКБАР,
АМИТ «Ховар»
АКС аз манбаъҳои боз
35 СОЛИ СОЗАНДАГӢ. Истиқлолияти давлатӣ барои рушди иқтисодию иҷтимоии Вилояти Мухтори Кӯҳистони Бадахшон имконоти нав фароҳам овард
Дар Агентии суғуртаи иҷтимоӣ ва нафақа бахшида ба 35-солагии Истиқлоли давлатӣ ҳамоиши бошукуҳ доир шуд
Дар ҷашни 35-солагии Истиқлолияти Тоҷикистон дар Ҳисор муовини Сарвазири мамлакат ва меҳмонон аз Узбекистон иштирок намуданд
Бунафша Файзиддинзода: «Дар солҳои соҳибистиқлолӣ зани тоҷик ба неруи фаъоли рушди ҷомеа табдил ёфт»
Ҳамкории ноҳияи Ёвони Тоҷикистон бо ноҳияи Уздаи Беларус тақвият меёбад
Дар Хатлон хизматчиёни давлатӣ ва кормандони соҳаҳои гуногун бо мукофотҳои давлатӣ сарфароз гардонида шуданд
Маҳкам Маҳмудзода: «Истиқлоли давлатӣ дастоварди волотарини давлати тоҷикон маҳсуб мешавад»
Дар вилояти Хатлон бо иштироки беш аз 50 ҳазор нафар роҳпаймоии идона доир шуд
Дар Бадахшон бахшида ба 35–солагии Истиқлоли давлатӣ гузашти низомӣ ва роҳпаймоии оммавӣ доир гардид
Филми «Пешво аз қалби мардум» дар байни тамошобинон маҳбубияти зиёд пайдо намуд
НАҚШИ ПЕШВОИ МИЛЛАТ МУҲТАРАМ ЭМОМАЛӢ РАҲМОН ДАР ЭҲЁИ ДАВЛАТСОЗИИ МИЛЛӢ. Мулоҳизаҳо дар ин маврид
Як зумра кормандони гуногункасб, хизматчиёни давлатӣ ва рӯзноманигорон бо мукофотҳои давлатӣ қадрдонӣ гардиданд
