Имрӯз Кумитаи давлатии идораи замин ва геодезӣ, Хадамоти иҷро, Маркази миллии қонунгузорӣ нишасти матбуотӣ баргузор менамоянд

ДУШАНБЕ, 20.07.2022 /АМИТ «Ховар»/. Имрӯз, 20 июл Кумитаи давлатии идораи замин ва геодезии Ҷумҳурии Тоҷикистон,  Хадамоти иҷрои назди Ҳукумати Ҷумҳурии Тоҷикистон, Маркази миллии қонунгузории назди Президенти Ҷумҳурии Тоҷикистон, мақомоти иҷроияи ҳокимияти давлатии ноҳияҳои Шоҳмансур ва Фирдавсии шаҳри Душанбе оид ба  ҷамъбасти фаъолият дар шаш моҳи аввали соли 2022 нишасти матбуотӣ доир менамоянд.

Нишасти матбуотии Кумитаи давлатии идораи замин ва геодезӣ соати 09:00 дар Кумитаи мазкур баргузор мешавад.

Хадамоти иҷро нишасти матбуотиро соати 11:00 дар Хадамоти иҷро барпо менамояд.

Нишасти матбуотии Маркази миллии қонунгузорӣ соати 14:00 дар Маркази миллии қонунгузорӣ баргузор мегардад.

Нишасти матбуотии мақомоти иҷроияи ҳокимияти давлатии ноҳияи Шоҳмансур соати 09:00 ва ноҳияи Фирдавсӣ соати 14:00 дар бинои ҳукуматҳои ноҳияҳо доир мешаванд.

Масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории  нишастҳои матбуотиро бояд бо АМИТ «Ховар» тавассути телефонҳои 238-52-23, 888-08-34-04 мувофиқа намоянд.

Эълонҳо оид ба вақт ва макони баргузории нишастҳои матбуотӣ ҳар рӯзи корӣ дар сомонаи АМИТ «Ховар» — www.khovar.tj  ба забонҳои тоҷикӣ ва русӣ нашр карда мешаванд.

Ёдовар мешавем, ки  нишастҳои матбуотӣ мутобиқи Амри Президенти Ҷумҳурии Тоҷикистон аз 15 сентябри соли 2011  доир карда мешаванд.