ИСТИФОДАИ САМАРАНОКИ ЗАМИН. Дар ноҳияи Мастчоҳ 8966 тонна зироатҳои ғалладонагӣ истеҳсол гардидаанд
ДУШАНБЕ, 23.07.2022 /АМИТ «Ховар»/. Дар шаш моҳи соли равон аз ҷониби кишоварзони ноҳияи Мастчоҳи вилояти Суғд 8966 тонна зироатҳои ғалладонагӣ, 3165,6 тонна картошка, 5054 тонна сабзавот, 10841 тонна маҳсулоти полезӣ ва 856,4 тонна мева истеҳсол гардидааст, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Раиси вилояти Суғд Раҷаббой Аҳмадзода 22 июл бо фаъолияти хоҷагиҳои деҳқонӣ шинос шуда, барои ҷамъоварии ҳосили пухтарасида ва гузаронидани кишти такрорӣ ба масъулин супоришҳо дод.
Иттилоъ дода шуд, ки кишоварзони ноҳияи Мастчоҳ баҳри дар амал татбиқ намудани сиёсати аграрии Ҳукумати Ҷумҳурии Тоҷикистон ва дар ин замина таъмини амнияти озуқаворӣ фаъолияти пурсамар ба роҳ мондаанд. Дар бахши хоҷагиҳои деҳқонӣ ва ҷамъиятии ноҳия барои ҳосили соли равон дар майдони 23 121 гектар кишти зироати кишоварзӣ гузаронида шуд, ки аз он 2733 гектарро зироатҳои ғалладонагӣ, 12 582 гектарро пахта, 1773 гектарро зироати равғандор, 101 гектарро картошка, 172 гектарро сабзавот, 1695 гектарро полезӣ ва 4065 гектарашро зироати хӯроки чорво ташкил медиҳанд.
Барои таъмини заминҳои кишоварзӣ бо обӣ полезӣ дар ноҳия 56 адад дастгоҳҳои обкашӣ фаъолият мекунанд.
АКС: Хадамоти матбуоти Раиси вилояти Суғд
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
Дар Тоҷикистон содироти маҳсулот дар сатҳи устувори рушд ва афзоиш қарор гирифт
Дар Душанбе оид ба рушди алоқа, инноватсия ва технологияҳои рақамӣ ҳамоиши тантанавӣ баргузор шуд
Дар даврони соҳибистиқлолии Тоҷикистон боғу токзори нав 2,3 баробар зиёд гардид
