Кормандони Маркази тадқиқоти стратегӣ масъалаи таъмини амнияти иттилоотиро пайваста мавриди омӯзиш ва тадқиқ қарор медиҳанд
ДУШАНБЕ, 28.07.2022. /АМИТ «Ховар»/. Таъмини амнияти иттилоотӣ, иҷтимоӣ, миллӣ ва минтақавӣ ҳамчун стратегияи рушди мамлакат ва ташаккули низоми миллии баҳогузории индикативии амнияти иқтисодии ҷумҳурӣ аз ҷумлаи масъалаҳое мебошад, ки соли равон аз ҷониби кормандони Маркази тадқиқоти стратегии назди Президенти Ҷумҳурии Тоҷикистон мавриди омӯзиш ва тадқиқ қарор гирифт, иттилоъ дод директори Марказ Хайриддин Усмонзода имрӯз зимни нишасти матбуотӣ ба хабарнигорон.
Ба зикри ӯ, дар доираи баргузории корҳои илмию тадқиқотӣ кормандони Марказ 199 гузориши таҳлилӣ, иттилоотию таҳлилиро ба Дастгоҳи иҷроияи Президенти Ҷумҳурии Тоҷикистон, Ҳукумати Ҷумҳурии Тоҷикистон ва дигар ниҳодҳои давлатӣ пешниҳод намуданд, ки онҳо ба омӯзиши масъалаҳои рӯзмарра ва ҳалли мушкилоти амалии ҷумҳурӣ равона шуда буданд.
«Маркази тадқиқоти стратегӣ дар айни замон бо марказҳои таҳлилии Русия, Қазоқистон, Чин, Афғонистон, Ҳиндустон, Эрон ва марказҳои стратегии Узбекистон, Қирғизистон, Озарбойҷон, Туркия, Латвия, Литва ва Полша ҳамкории самарабахш ба роҳ мондааст», — гуфт Хайриддин Усмонзода.
Инчунин Марказ узви Маркази таҳлилии СААД, узви Форуми СҲШ ва яке аз муассисони Академияи САҲА дар шаҳри Бишкек буда, дар доираи ин дар шаш моҳи соли равон Конфронси илмию амалии ҷумҳуриявӣ ва байналмилалиро дар мавзӯи «Тоҷикистон ва Осиёи Марказӣ: вазъ ва дурнамои таъсирпазирӣ», семинар дар мавзӯи «Вазъ ва дурнамои рушди иҷтимоию иқтисодии ВМКБ», семинари маҷозӣ дар мавзӯи «Миллати ҳушманд: стратегияу имконият ва идоракунии амнияти кибернетикӣ», ҳамоишҳо доир ба «Раванди ташаккули «буҳрони Афғонистон» ва таъсири эҳтимолии он ба фазои сиёсии минтақаи Осиёи Марказӣ: нигоҳ аз Тоҷикистон», «Ҳукумати «Толибон» ва тағйири геополитикаи Осиёи Марказӣ», «Такмили истеҳсолоти саноатии минтақаҳои Ҷумҳурии Тоҷикистон дар партави Паёми Президенти Ҷумҳурии Тоҷикистон» баргузор намуд, ки зимни онҳо масъалаҳои муҳим мавриди таҳлилу баррасии коршиносон қарор гирифтанд.
Дар робита ба Созишномаи дӯстӣ ва ҳамкорӣ байни кишварҳои Осиёи Марказӣ таъкид гардид, ки пас аз гузашти расмиёти давлатӣ ба тасвиб расидани он дар назар аст.
Зарангези ЛАТИФ,
АМИТ «Ховар»
АКС: АМИТ «Ховар»
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
