НИШАСТИ МАТБУОТӢ. 36 корхонаи саноатии шаҳри Бӯстон ҳаҷми истеҳсоли маҳсулотро ба маблағи 324,1 млн сомонӣ таъмин намуданд
СУҒД, 21.07.2022 /АМИТ «Ховар»/. 36 адад корхонаҳои саноатии шаҳри Бӯстони вилояти Суғд, новобаста аз шакли моликият ҳаҷми истеҳсоли маҳсулоти саноатиро 324,1 млн сомонӣ таъмин намуданд, ки ин нишондиҳанда нисбат ба ҳамин давраи соли 2021 50,4 млн сомонӣ зиёд буда, 118,4 фоизро ташкил намуд. Ин маълумотро зимни нишасти матбуотӣ Раиси шаҳри Бӯстон Мавсума Муинӣ 20 июл ба хабарнигорон иброз дошт.
Дар нишасти матбуотӣ сардори Раёсати кор бо занон ва оилаи вилояти Суғд Хуршеда Хоҷазода ва намояндагони воситаҳои ахбори омма иштирок намуданд.
Зикр гардид, ки ҳиссаи корхонаи истеҳсоли қубурҳои оҳанин ва профилҳои ҶДММ «Ганҷофар», корхонаи истеҳсоли мехи печони ҶДММ «Нуртез» ва корхонаи истеҳсоли маҳсулоти заргарӣ ва армуғонии «Зари Суғд»-и КВД «Фулузоти нодири Тоҷикистон» ва корхонаи истеҳсоли халтаҳои калонҳаҷми ҶДММ «Суғдпак», ки бо иштироки бевоситаи Пешвои миллат муҳтарам Эмомалӣ Раҳмон мавриди истифода қарор гирифта буданд, нисбат ба ин нишондиҳанда хеле назаррас мебошанд.
Иқдоми мазкур дар татбиқи ҳадафи чоруми миллӣ — санотикунонии босуръати мамлакат саҳми арзанда мегузорад.
Мавсума Муинӣ иброз намуд, ки «имрӯзҳо сокинони шаҳр ба истиқболи сазовори ҷашни 35‐умин солгарди Истиқлолияти давлатии Ҷумҳурии Тоҷикистон иқдомҳои наҷиб рӯи кор оварданианд.
Бо мақсади таъмини бехатарии ҳаракати роҳи мошингарди кӯчаҳои шаҳр тибқи нақшаи тасдиқгардида, давоми шашмоҳаи аввали соли 2022 ба маблағи 2,5 млн сомонӣ аз ҳисоби мақомоти иҷроияи ҳокимияти давлатии вилоят ва шаҳр 8,09 километр роҳҳо таъмири ҷорӣ ва асосӣ шуданд».
Саъдулло МАҲКАМОВ
АМИТ «Ховар»
АКС: маркази матбуоти Раиси шаҳри Бӯстон
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Сарвари давлат Эмомалӣ Раҳмон пас аз анҷоми сафари корӣ дар шаҳру ноҳияҳои минтақаи Кӯлоби вилояти Хатлон ба шаҳри Душанбе баргаштанд
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
