НИШАСТИ МАТБУОТӢ. Дар Тоҷикистон Регламенти техникии «Бехатарии маҳсулоти дорои никотин» қабул карда мешавад
ДУШАНБЕ, 21.07.2022. /АМИТ «Ховар»/. Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар ҷаласаи навбатии палатаи болоии парлумон оид ба таҳлили иҷрои қонунгузорӣ ба сифати маҳсулоти тамоку ва машрубот изҳори нигаронӣ намуда, ба Прокурори генералӣ супориш доданд, ки дар якҷоягӣ бо дигар сохторҳои дахлдор вазъи муомилоти тамоку ва машрубот дар бозори истеъмолии мамлакатро мавриди омӯзиш қарор диҳанд. То кадом андоза супориши Раиси Маҷлиси миллӣ иҷро гардид?
Ба ин суоли хабарнигори АМИТ «Ховар» Зарангези ЛАТИФ имрӯз дар нишасти матбуотӣ Директори Агентии «Тоҷикстандарт» Темурҷон Абдулваҳобзода посух дод.
«Дар Тоҷикистон Регламенти техникии «Бехатарии маҳсулоти дорои никотин» тасдиқ ва қабул карда мешавад. Айни замон лоиҳаи он дар баррасии вазорату идораҳои дахлдори мамлакат қарор дорад. Ба воситаи ин регламенти техникӣ маҳсулоте, ки дорои никотин, яъне тамокуи алтернативӣ мебошанд, ба танзим дароварда мешаванд», — гуфт ӯ.
Мавсуф афзуд, ки дар ҷумҳурӣ тамокуи алтернативӣ, яъне маҳсулоти дорои никотин ба муомилот бароварда шудааст, ки он дар таҷрибаи дигар давлатҳо низ мушоҳида мегардад. Ба гуфтаи ӯ, мутаассифона, дар ҷумҳурии мо то кунун танзимкунандаи санадҳои меъёрию ҳуқуқӣ нисбат ба ин маҳсулот мавҷуд набуд.
«Таҳия ва қабули Регламенти техникӣ метавонад омили таъсирбахши таъмини бехатарии молу маҳсулот дар бозори истеъмолӣ ва пурзӯр намудани назорат дар ин самт гардад», — изҳори итминон намуд Директори «Тоҷикстандарт».
«Кормандони агентӣ бо истеҳсолкунандагон ва воридкунандагони маҳсулоти тамоку корҳои фаҳмондадиҳӣ гузаронида, талаботи асосиеро, ки ҳуҷҷатҳои меъёрӣ-техникӣ нисбат ба ин маҳсулот тақозо мекунанд, пешниҳод менамоянд»,- афзуд Темурҷон Абдулваҳобзода.
Зимни нишасти матбуотӣ иттилоъ дода шуд, ки дар самти муомилоти машрубот низ дар ҳамкорӣ бо Вазорати саноат ва технологияҳои нав охири соли 2021 лоиҳаи Регламенти техникӣ дар бораи «Бехатарии машрубот» ба Ҳукумати Ҷумҳурии Тоҷикистон пешниҳод гардид, ки он мавриди дастгирӣ қарор гирифт.
Ҳамчунин иттилоъ дода шуд, ки дар 6 моҳи соли равон зиёда аз 3 ҳазор литр нӯшокиҳои спиртии сифаташон паст ошкор гардида, ҳангоми бақайдгирӣ барои коркарди такрорӣ пешниҳод карда шуданд.
Зарангези ЛАТИФ,
АМИТ «Ховар»
АКС: АМИТ «Ховар»
Тсюй Дунъюй ба муборизаи муштарак бо таҳдидҳои иқлимию иқтисодӣ даъват намуд
Агаси Арутюнян: «Конфронси 35-уми минтақавии ФАО барои муаррифии дастовардҳои Тоҷикистон ва иқтидори кишоварзии он имконияти васеъ фароҳам меорад»
Байни ширкатҳои Тоҷикистону Чин 28 санади ҳамкорӣ ба маблағи умумии 647 миллион доллари амрикоӣ ба имзо расид
Дар Душанбе Конфронси 35-уми минтақавии Созмони озуқаворӣ ва кишоварзии СММ ифтитоҳ гардид
Имрӯз дар доираи Конфронси 35-уми минтақавии Созмони озуқаворӣ ва кишоварзӣ муколаимаи инвеститсионӣ баргузор гардид
ТОҶИКИСТОН — ДАВЛАТИ ТАШАББУСКОР. Иқдомҳои Президенти Тоҷикистон ба пешгирии тағйирёбии иқлим ва обшавии босуръати пиряхҳои минтақаю ҷаҳон нигаронида шудаанд
Форуми «Сармоягузорӣ ба илм ва навоварии ҷавонон: Назари минтақавии форуми ҷаҳонии озуқаворӣ барои Аврупо ва Осиёи Марказӣ» оғоз гардид
Дар Душанбе Конфронси 35-уми минтақавии Созмони озуқаворӣ ва кишоварзии СММ барои Аврупо ва Осиёи Марказӣ оғоз мешавад
РУШДИ САНОАТ. Дар шаҳри Истиқлол сохтмони корхонаи истеҳсоли оҳаксанг ва хокаи оҳак идома дорад
Ҷамъияти дорои масъулияти маҳдуди «Хоҷамастон» дар як рӯз то 700 дона хишт истеҳсол менамояд
Дар Суғд неругоҳи барқи офтобӣ бо иқтидори умумии 500 МВт сохта мешавад
ИҚТИСОДИ РАҚАМӢ ВА ИННОВАТСИЯ. Истифодаи самараноки технологияҳои иттилоотӣ омили муҳими пешрафти китобхонаҳо аст
