ПАНҶСОЛАИ РУШДИ САНОАТ. Дар Тоҷикистон беш аз 180 корхонаву коргоҳ бо фароҳам овардани қариб 4 ҳазор ҷойи кор бунёд шуданд
ДУШАНБЕ, 18.07.2022 /АМИТ «Ховар»/. Дар доираи эълон гардидани Панҷсолаи рушди саноат (2022-2026) дар шаш моҳи соли равон ҳаҷми истеҳсоли маҳсулоти саноатӣ дар ҷумҳурӣ ба беш аз 19 млрд сомонӣ расонида шуд ва суръати афзоиш нисбат ба соли гузашта 117,3 фоизро ташкил дод. Дар ин бора имрӯз Вазири саноат ва технологияи нави Ҷумҳурии Тоҷикистон Шералӣ Кабир ба намояндагони расонаҳои хабарӣ иттилоъ дод.
Мавсуф афзуд, ки дар ин давра дар ҷумҳурӣ 137 корхона бо 1296 ҷойи кор ва 47 коргоҳ бо 2501 ҷойи кор, дар маҷмӯъ 184 корхонаву коргоҳ қариб бо 4 ҳазор ҷойи кор сохта, ба истифода дода шудаанд. Аз ҷумла, дар вилояти Суғд 42 корхона, Хатлон- 43 корхона, шаҳру ноҳияҳои тобеи ҷумҳурӣ- 30 корхона, шаҳри Душанбе- 13 корхона ва дар ВМКБ 9 корхона бунёд гардидаанд.
Дар ин давра ҳаҷми маблағгузорӣ ба сармояи асосӣ аз рӯи намудҳои фаъолияти иқтисодӣ дар соҳаи саноат зиёда аз 2,4 млрд сомониро ташкил дод.
Бино ба гуфти Вазир, таҳлилҳо бозгӯи онанд, ки дар маҷмӯъ ҳаҷми сармоягузорӣ ба сармояи асосӣ нисбат ба ҳамин давраи соли гузашта беш аз 39 млн сомонӣ зиёд гардидааст.
Зикр шуд, ки корхонаҳои саноати маъдани кӯҳӣ ва металлҳои қиматбаҳо дар ин давра ба маблағи 6,7 млрд сомонӣ маҳсулот истеҳсол намуда, суръати афзоишро ба 122,4 фоиз ва ё 1,2 млрд сомонӣ расонидаанд. Аз ҷумла, соли равон ҳаҷми истеҳсоли маҳсулоти и самти соҳа дар маҷмӯи маҳсулоти саноатӣ беш аз 35 фоизро ташкил дод. Корхонаҳои «Зарафшон», «Ширкати металлургии Анзоб», ҶДММ «ТВЕА», «Душанбе саноати кӯҳӣ» ва «Тиллои тоҷик» нақшаи истеҳсоли маҳсулотро барзиёд иҷро намуданд.
Марзия САИДЗОДА,
АМИТ «Ховар»
АКС: АМИТ «Ховар»
Тоҷикистон ва Хазинаи байналмилалии асъор ҳамкориро дар соҳаи саноат тақвият медиҳанд
Дар ноҳияи Фирдавсии пойтахт корхонаи истеҳсолии ҶСП «Нур Пласт» ба истифода дода шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
Пешвои миллат Эмомалӣ Раҳмон дар Минтақаи озоди иқтисодии Данғара 3 корхонаи саноатиро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи истеҳсоли равғанро ифтитоҳ намуданд
Сарвари давлат Эмомалӣ Раҳмон дар ноҳияи Кӯшониён ба сохтмони корхонаи нави семент санги асос гузоштанд
Президенти Ҷумҳурии Тоҷикистон Эмомалӣ Раҳмон ба фаъолияти се коргоҳи нави истеҳсолии ҶДММ «Парки инноватсионии саноатию технологии шаҳри Левакант» оғоз бахшиданд
Сарвари давлат Эмомалӣ Раҳмон дар шаҳри Левакант ба фаъолияти корхонаи истеҳсолии «Хишти диёр» оғоз бахшиданд
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
Пешвои миллат Эмомалӣ Раҳмон корхонаи «Ноқили Турсунзода»-ро ифтитоҳ намуданд
