Шамсулло Тағоев дар Озмуни «Омӯзгори беҳтарин-2022» миёни донишгоҳҳои ИДМ сазовори ҷой дуюм гардид
ДУШАНБЕ, 14.07.2022 /АМИТ «Ховар»/. Сардори Маркази инноватсияи Донишгоҳи миллии Тоҷикистон, муаллими калони кафедраи информатикаи факултети механикаю математика Шамсулло Тағоев дар Озмуни «Омӯзгори беҳтарин-2022» миёни омӯзгорони донишгоҳҳои ИДМ сазовори ҷой дуюм гардид. Ҳамчунин мақолаи пешниҳоднамудаи ў барои чоп дар 2-юмин китоби байналмилалии «Омӯзгори беҳтарин – 2022» интихоб гардид.
Тавре Шамсулло Тағоев ба АМИТ «Ховар» гуфт, «барои иштирок дар озмун се моҳ пеш мақолаҳои худро пешниҳод намудем. Дар нашри 2-юмин китоби байналмилалии «Омӯзгори беҳтарин – 2022» аз Ҷумҳурии Тоҷикистон мақолаи ман ва муҳаққиқи факултети информатикаи ДДБ ба номи Н.Хусрав Саёҳат Сафарова интихоб гардид. Аз ҷониби кумитаи тадорукот барои сазовор гардидан ба ҷой дуюм бо диплом ва медали сарисинаг сарфароз гардидам».
Бояд гуфт, ки озмуни мазкур бо ташаббуси Ассотсиатсияи байналмилалии олимони ҷавон, (Қазоқистон, Нур-Султан) ва дастгирии Иттиҳодияи шахсони ҳуқуқии «Ҳаракати умумимиллии Бобек» доир гардид.
Ёдрас мешавем, ки Шамсулло Тағоев яке аз иштирокчиёни фаъоли Мактаби тобистонаи байналмилалӣ, ки 4 то 9 июли соли равон дар Федератсияи Русия доир гардид, мебошад.
Акс: ДМТ
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
Имрӯз бахшида ба Рӯзи омӯзгорон ҳамоиши тантанавӣ баргузор гардид
Эмомалӣ Раҳмон: «Мо ба неруи созандаи аҳли маориф, таҷрибаи устодони рӯзгордида ва талошҳои омӯзгорони ҷавон эътимоди қавӣ дорем»
Донишгоҳи байналмилалии сайёҳӣ ва соҳибкории Тоҷикистон дар рейтинги GreenMetric World University Rankings 2026 ба натиҷаи бесобиқа ноил гардид
Донишгоҳи техникии Тоҷикистон ба раддабандии ҷаҳонии донишгоҳҳои сабз дохил гардид
Доир ба рушди забони давлатӣ дар 35 соли Истиқлоли давлатӣ ҳамоиши илмӣ баргузор гардид
МАВЛОНО-ОФТОБИ МАЪРИФАТИ БАШАРӢ. Таҳти ин унвон ҳамоиши илмӣ – адабӣ доир шуд
Даври ниҳоии Озмуни ҷумҳуриявии «Омӯзгори сол — Тоҷикистон-2026» оғоз гардид
Натиҷаҳои озмуни тақсимоти давраи сеюми имтиҳонҳои марказонидаи дохилшавӣ муайян мегарданд
