Сироҷиддин Икромӣ ва Михаил Бэк татбиқи самараноки Лоиҳаи минтақавӣ оид ба мусоидат ба рушди деҳот ва дастгирии соҳибкории хурду миёнаро баррасӣ намуданд
ДУШАНБЕ, 08.07.2022 /АМИТ «Ховар»/. Дурнамои ҳамкории дуҷониба оид ба татбиқи Лоиҳаи минтақавии «Мусоидат ба рушди деҳот ва дастгирии соҳибкории хурду миёна дар ҷумҳуриҳои Қирғизистон, Тоҷикистон ва Туркманистон» дар мулоқоти Раиси Раёсати Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ бо намояндагони Фонди хазинаҳои амонатгузорӣ оид ба ҳамкории байналмилалии Олмон (Sparkassenstiftug), роҳбари Лоиҳаи мазкур Михаил Бэк дар Душанбе баррасӣ гардид. Дар ин бора АМИТ «Ховар» бо истинод ба Бонки давлатии амонатгузории Ҷумҳурии Тоҷикистон «Амонатбонк» иттилоъ медиҳад.
Ҳадафи асосии Лоиҳаи минтақавии «Мусоидат ба рушди деҳот ва дастгирии соҳибкории хурду миёна дар ҷумҳуриҳои Қирғизистон, Тоҷикистон ва Туркманистон»-и Фонди хазинаҳои амонатгузорӣ оид ба ҳамкории байналмилалии Олмон (Sparkassenstiftug) ин дастрасии аҳолӣ ба хизматрасониҳои бонкӣ буда, Амонатбонк ҳамчун шарики боэътимод дар ин самт ҳамкории дуҷонибаро ба роҳ мондааст.
Дар мулоқот ҳамзамон роҳҳои татбиқи самараноки лоиҳаи мазкур дар Тоҷикистон баррасӣ шуда, мусоҳибон доир ба механизми амалӣ намудани он пешниҳодҳои судманд баён намуданд.
АКС: Бонки давлатии амонатгузории Ҷумҳурии Тоҷикистон «Амонатбонк»
ҚУРБИ АСЪОР: 1 рубли русӣ аз 0.1030 то 0.1144 сомонӣ муқаррар шудааст
Рушди инфрасохтори пардохтӣ дар вохӯрии минтақавии роҳбарияти бонкҳои миллии кишварҳои Осиёи Марказӣ ва Озарбойҷон баррасӣ шуд
Тоҷикистон бо Бонки Осиёии Рушд ва Агентии ҳамкории байналмилалии Ҷопон созишномаҳои грантӣ ба имзо расонид
«Саноатсодиротбонк» ғолиби ҷoизаҳои байналмилалии «Беҳтарин лоиҳаҳои рушди иқтисодӣ – 2026» гардид
«Амонатбонк» барандаи ҷоизаи байналмилалии WSBI-ESBG SDG Awards 2026 гардид
Натиҷаҳои рушди иқтисодии Тоҷикистон дар Таиланд муаррифӣ гардиданд
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
