«ТОҶИКИСТОН – ХОНАИ ЯГОНАИ МО». Кумитаи дин, танзими анъана ва ҷашну маросим бо мақсади таҳаммулпазирӣ ҳамкориро бо ташкилоти динии ғайриисломӣ тавсеа бахшидааст
ДУШАНБЕ, 26.07.2022 /АМИТ «Ховар»/. Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон бо тамоми ташкилоти динӣ, чӣ исломӣ ва ғайриисломӣ, ки дар Ҷумҳурии Тоҷикистон расман ба қайд гирифта шудаанд ва фаъолият доранд, ҳамеша дар тамос ва ҳамкорӣ мебошад. Чунин зикр намуд Раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Сулаймон Давлатзода дирӯз, 25 июл дар нишасти матбуотӣ оид ба натиҷаҳои фаъолияти ин ниҳод дар шаш моҳи соли равон.
Мавсуф ҳамчунин иброз дошт, ки тибқи қонунгузории Ҷумҳурии Тоҷикистон иттиҳодияҳои динӣ муваззафанд, ки аз фаъолияти солонаи худ ба Кумитаи дин, танзими анъна ва ҷашу маросим маълумот пешниҳод намоянд. Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон бо мақсади таҳкими таҳаммулпазирии динӣ ва ҳамзистии осоишта дар ҳамкорӣ бо ташкилоти ғайриисломӣ, ки динҳои гуногуни ҷаҳонро муаррифӣ мекунанд, чандин чорабиниҳо баргузор намуд, ки яке аз онҳо ҳамоиш таҳти унвони «Тоҷикистон — хонаи ягона» мебошад».
«Кумита дар давраи ҳисоботӣ фаъолияти худро дар асоси Конститутсияи Ҷумҳурии Тоҷикистон, қонунҳои Ҷумҳурии Тоҷикистон «Дар бораи озодии виҷдон ва иттиҳодияҳои динӣ», «Дар бораи танзими анъана ва ҷашну маросим дар Ҷумҳурии Тоҷикистон» ва дигар қарорҳо, инчунин фармоишҳои Ҳукумати мамлакат ба роҳ монд. Дар ин давра дар ҷумҳурӣ 49 масҷиди ҷомеи марказӣ, 327 масҷиди ҷомеъ, 3612 масҷиди панҷвақта, 66 ташкилоти динии ғайриисломӣ, 1 Маркази исломӣ ва се ҷамоатхона, дар маҷмӯъ 4058 иттиҳодияҳои динӣ фаъолият намуданд, ки дар Феҳристи давлатии иттиҳодияҳои динии Ҷумҳурии Тоҷикистон ба қайд гирифта шудаанд», — илова кард Сулаймон Давлатзода.
Зикр шуд, ки дар ин давра аз ҷониби Раёсати таҳлил ва ташхиси диншиносии назди Кумита дар асоси 247 дархост 1359 номгӯй адабиёти динӣ, 214 адад фита, 25 адад телефони мобилӣ, се адад флешкорт, як ноутбук ва як протсесори дорои 11341 сабти видеоӣ ва аудиоӣ мавриди таҳлил ва ташхиси давлатии диншиносӣ қарор дода шуданд. Аз ин теъдод ба 152 дархост хулосаи манфӣ ва ба 95 дархост хулосаи мусбат дода шуд. Ба 1261 номгӯй адабиёти динӣ, 88 адад фита, 14 адад телефони мобилӣ, 2 адад флешкорт, як адад ноутбук ва як адад протсессор хулосаи мусбат ва ба 98 номгӯй адабиёти динӣ, 1746 адад варақа, 127 адад фита 11 адад телефони мобилӣ ва як флешкорт хулосаи манфӣ дода шудааст.
Марзия САИДЗОДА,
АМИТ «Ховар»
АКС: АМИТ «Ховар»
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир шуд
ТАРМАФАРОӢ. Имрӯз дар баъзе ноҳияҳои Тоҷикистон фаромадани тарма пешгӯӣ мешавад
Дар вилояти Хатлон оид ба таълим ва тарбияи ҳуқуқии шаҳрвандон ҷаласа доир шуд
ҲАДАФ-ҲИФЗИ ПАРАНДАГОН ВА ҲАЙВОНОТ. Дар Тоҷикистон корҳои биотехникӣ гузаронида мешаванд
Муассисаҳои таълимии таҳсилоти ибтидоӣ ва миёнаи касбӣ бо таҷҳизоти муосири омӯзишӣ таъмин карда мешаванд
«МО НАКУНЕМ, КӢ МЕКУНАД?». Дар Душанбе бо иштироки волонтёрон ҳашари барфтозакунӣ ташкил гардид
Аз шаби дирӯз то имрӯз дар масири Душанбе-Чанок 29 тарма фаромадааст
Лоиҳаи нави барномаи грантии Иттиҳоди Аврупо дар соҳаи таҳсилоти касбӣ-техникӣ баррасӣ шуд
ПЕШГИРИИ ОВОРАГАРДИИ НОБОЛИҒОН. Бо ин мақсад дар шаҳри Бохтар санҷиши шабона гузаронида шуд
ОГОҲИИ АГЕНТИИ ОБУҲАВОШИНОСӢ. Пагоҳ дар Тоҷикистон ҳавои номусоид пешгӯӣ мешавад
Агентии «Тоҷикстандарт»: «Ҳангоми харид ва истифодаи маҳсулоти консервашуда бо диққат бошед!»
ТАВСИЯИ СУДМАНД. Дар рӯзҳои зимистон чӣ гуна худро аз сармо эмин нигоҳ дорем?
