Узбекистон бинобар хуруҷи бемории вабо дар Афғонистон назорати тиббиро дар гузаргоҳҳои марзӣ пурзӯр намудааст
ДУШАНБЕ, 18.07.2022 /АМИТ «Ховар»/. Узбекистон дар робита ба хуруҷи бемории вабо дар Афғонистон чораҳоро дар марзҳо пурзӯр мекунад. Тавре АМИТ «Ховар» хабар медиҳад, дар ин бора имрӯз аз маркази матбуоти Хадамоти санитарию эпидемиологии ҷумҳурӣ хабар доданд.
Ҳодисаҳои сироятёбӣ дар вилоятҳои Ҳилманд ва Зобули Афғонистон ба қайд гирифта шудаанд. Расонаҳои маҳаллӣ дар бораи беш аз 120 сироятёфта, аз ҷумла ҳолатҳои фавт гузориш медиҳанд.
Вабо бемории шадиди сироятӣ буда, барангезандааш вибриони вабоӣ (Vibrio cholerae) мебошад. Беморӣ бо дарунравии шадид сар шуда, боиси беобмонӣ ва норасоии гардиши хун мегардад, ки метавонад сабаби марг шавад.
Тибқи иттилои Хадамоти санитарию эпидемиологии Узбекистон, дар гузаргоҳҳои сарҳадии кишвар 54 нуқтаи карантинии санитарӣ мавҷуданд. Аз ин шумора 36-тоаш дар роҳҳои мошингард, 11-тоаш дар фурудгоҳҳои байналмилалӣ, 6-тоаш дар роҳи оҳан ва 1-тоаш дар бандари дарёӣ ҷойгир шудаанд. Ҳама гузаргоҳҳо бо дастгоҳҳои гармидиҳӣ ва ҳароратсанҷҳои бидуни тамос барои муоинаи тиббию санитарии шахсони ба кишвар воридшаванда муҷаҳҳаз шудаанд.
Озмоишгоҳҳои махсус бо таҷҳизоту реактивҳои зарурӣ таъмин буда, мутахассисон аз такмили ихтисос гузаштаанд.
Дар мавсими беморӣ мутахассисон ҳар ҳафта аз обанборҳои боз намунаи об мегиранд, то ангезандаҳои ваборо муайян кунанд. Ҳамаи ин тадбирҳо имкон медиҳанд, ки ба қаламрави ҷумҳурӣ воридшавии бемориҳои гуногуни сироятӣ самаранок пешгирӣ карда шавад, хабар доданд дар хадамоти матбуотӣ.
АКС: Sputnik / Денис Абрамов
ОГОҲӢ! Аз 16 то 19 июл дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
Эмомалӣ Раҳмон: «Волоияти қонун асоси устувории давлат ва шарти муҳими зиндагии осоиштаи мардум аст»
Дар марказҳои касбомӯзии Тоҷикистон беш аз 20 касби серталаб омӯзонида мешаванд
ОГОҲӢ! Аз 15 то 18 июл дар Тоҷикистон баландшавии ҳарорати ҳаво пешгӯӣ мешавад
Дар муассисаҳои таҳсилоти ибтидоӣ ва миёнаи касбӣ 25 ихтисоси нав дар соҳаи саноати металлургияи сиёҳ таъсис меёбад
