Агентии омор: Дар шаш моҳи соли 2022 нархи молҳои озуқаворӣ 7 фоиз зиёд шудааст
ДУШАНБЕ, 04.08.2022 /АМИТ «Ховар»/. Аз аввали соли равон то моҳи июн молҳои озуқаворӣ 7 фоиз ва молҳои ғайриозуқаворӣ 2,3 фоиз афзоиш ёфт. Хизматрасони пулакӣ ба аҳолӣ 1,1 фоиз паст гардид. Ин матлабро имрӯз зимни нишасти матбуотӣ Директори Агентии омори назди Президенти Ҷумҳурии Тоҷикистон Гулнора Ҳасанзода баён дошт.
Мавсуф зикр намуд, ки дар Тоҷикистон сатҳи таваррум аз 548 номгӯй молу маҳсулот, аз ҷумла молҳои озуқаворӣ- 112 номгӯй, молҳои ғайриозуқаворӣ- 338 номгӯй ва хизматрасони пулакӣ ба аҳолӣ- 100 номгӯй иборат аст.
Вобаста ба нархҳо, ки аз кадом минтақаи мамлакат гирифта мешаванд, Гулнора Ҳасанзода зикр намуд, ки «нархҳо дар 450 нуқтаи савдо, аз ҷумла аз 40 бозори шаҳру ноҳияҳои ҷумҳурӣ, 115 мағоза ва 295 нуқтаи хизматрасонӣ маврии омӯзиш қарор мегиранд. Яъне, дар вилояти Суғд дар 218 адад, дар Хатлон- 117, ВМКБ- 65 ва дар ноҳияҳои тобеи ҷумҳурӣ дар 50 адад бозору мағоза ва нуқтаи хизматрасонӣ нархҳо ба инобат гирифта мешаванд. Аз рӯи ҳамаи ин баъдан нархи миёна ва сатҳи таваррум дар Тоҷикистон муаяйн мегардад».
Ҳамчунин гуфта шуд, ки аз аввали соли равон нархи маҳсулоти хӯроквории зерин: сабзавот 8,8 фоиз ( бехпиёз 51,8 фоиз, сабзӣ 32,7 фоиз, карам 3,2 фоиз); маҳсулоти нону булка ва ярмаҳо 15,1 фоиз (аз ҳисоби орди навъи 1 – ум 22,1 фоиз, макарон 13,1 фоиз, ярмаи марҷумак 12,2 фоиз, нон 10,7 фоиз ва биринҷ 1,2 фоиз); равған ва чарбу 4,5 фоиз (равғани пахта 5,5 фоиз, равғани офтобпараст 2,6 фоиз); шакар 21,2 фоиз, шир 8,5 фоиз ва гӯшти мурғ 2,9 фоиз қимат шудааст.
Ҳамчунин дар нишасти матбуотӣ зикр гардид, ки дар моҳҳои январ — июни соли равон ҳаҷми истеҳсоли гӯшти чорвои калон ва майда (дар вазни зинда) дар ҳамаи категорияҳои хоҷагиҳо 73 627 тоннаро ташкил намуд, ки нисбат ба ҳамин давраи соли гузашта 5,2 фоиз зиёд мебошад. Инчунин дар ин давра низ истеҳсоли гӯшти паранда дар ҳамаи категорияи хоҷагидорӣ ба 20 302 тонна расонида шудааст, ки нисбат ба ҳамин давраи соли гузашта 11,5 фоиз зиёд мебошад
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
Иқтисодчиён дар ҳалли масъалаҳои рушди иқтисодӣ ва иҷтимоии Тоҷикистон нақши барҷаста доранд
Дурнамои ҳамкории иқтисодии Тоҷикистон бо Хазинаи байналмилалии асъор баррасӣ гардид
Дар Вазорати рушди иқтисод ва савдо ба муносибати Рӯзи иқтисодчиён ҳамоиши тантанавӣ доир гардид
Тоҷикистон ва Иттиҳоди Аврупо дар самти рақамикунонии иқтисод ва идоракунии давлатӣ ҳамкориро тақвият медиҳанд
Тоҷикистон ва Иттиҳоди Аврупо ҳамкориро дар соҳаи ҳифзи муҳити зист тақвият мебахшанд
ИМРӮЗ — РӮЗИ ИҚТИСОДЧИЁН. То соли 2030 ҳаҷми маҷмӯи маҳсулоти дохилӣ 1,8 маротиба афзоиш дода мешавад
Дар шаҳру ноҳияҳои Хатлон корҳои безараргардонӣ бар зидди малах идома доранд
Ба кормандони Хадамоти гумруки Тоҷикистон тақвияти чораҳои зиддикоррупсионӣ тавзеҳ дода шуд
Дар Тоҷикистон дар беш аз 23 ҳазор гектар пунбадона кишт намудаанд
«ДОЛОНИ САБЗ». Роҳи «Данғара-Гулистон» дар доираи ин барнома навсозӣ карда мешавад
