БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар Фархор корхонаи коркарди пахта ва истеҳсоли равған ба истифода дода мешавад
ДУШАНБЕ, 22.08.2022 /АМИТ «Ховар»/. Бахшида ба ҷашни 35-солагии Истиқлолияти давлатии Ҷумҳурии Тоҷикистон дар ноҳияи Фархор якчанд иншооти иҷтимоӣ, аз қабили корхонаи коркарди пахта, истеҳсоли равған, макарон, коғази ташноб, коргоҳи дӯзандагӣ, нуқтаҳои савдо ва хизматрасонӣ сохта, ба истифода дода мешаванд, иттилоъ доданд ба АМИТ «Ховар» дар шуъбаи иттилоотӣ ва таҳлилии дастгоҳи Раиси вилояти Хатлон.
Раиси вилоят 20 август зимни сафари корӣ ба ноҳияи Фархор аз мавзеи сохтмони корхонаи коркарди пахта ва истеҳсоли равған, ки дар деҳаи Арчаи Ҷамоати деҳоти Деҳқонобод аз тарафи соҳибкори маҳаллӣ Ҷамшед Сафаров бунёд шуда истодааст, дидан намуд.
Иттилоъ дода шуд, ки корхонаи мазкур то охири соли равон ба истифода дода шуда, дар он коргоҳҳои исканҷаи пахта, истеҳсоли собун, равған, пахтаи кӯрпабоб ва арракунӣ бунёд карда мешаванд. Ҳамзамон бо ин 20 нафар шаҳрвандон бо ҷойи кори доимӣ таъмин мегарданд.
Дар идомаи сафари корӣ Раиси вилоят Қурбон Ҳакимзода бо гурӯҳи ҳамроҳонаш бо ҷараёни корҳои сохтмони коргоҳи истеҳсоли макарон, коғази ташноб, коргоҳи дӯзандагӣ, нуқтаҳои савдо ва хизматрасонӣ шинос гардид.
Ба Раиси вилоят иттилоъ доданд, ки коргоҳи истеҳсоли макарон аз тарафи соҳибкори маҳаллӣ Қурбонхуҷа Маҳмудов ва коргоҳи дӯзандагӣ, нуқтаҳои савдо ва хизматрасонӣ аз тарафи ҶДММ «Нассоҷи Хуҷанд» бунёд шуда, имсол ба истифода дода мешаванд.
Ҳамчунин дар ноҳия корҳои сохтмони биноҳои шуъбаи милитсия ва таваллудхона, воқеъ дар деҳаи Ориёни Ҷамоати деҳоти Фархор ҷараён доранд.
Бинои шуъбаи милитсия бо фармоиши ВКД Ҷумҳурии Тоҷикистон бунёд гардида, соли равон ба истифода дода мешавад.
Бинои таваллудхонаи 5-ошёна аз тарафи соҳибкори маҳаллӣ ва пудратчии сохтмон- ширкати ҶДММ «Сабр А Ф» бо риояи қоидаҳои сифатан баланди меъморию сохтмонӣ сохта шуда истодааст.
Ҳамчунин Раиси вилоят бо истифодаи самаранок ва мақсадноки қитъаи наздиҳавлигии Азаматовҳо шинос шуд.
Оилаи мазкур айни ҳол аз маҳсулоти гуногуни сабзавоту меваҷот зиёда аз 500 қуттӣ консерва, зиёда аз 1 тонна гандум ва дигар лӯбиёдонагиҳоро барои зимистонгузаронӣ захира намудаанд.
Дар анҷоми сафари корӣ Раиси вилоят Қурбон Ҳакимзода ба роҳбарон ва масъулини сохтмони иншооти сохташаванда баҳри дар сатҳи баланди меъморию шаҳрсозӣ мавриди истифода қарор додани иншооти мазкур супоришҳои мушаххас дода, гуфт, ки тавассути корҳои ободонию созандагӣ то ҷашни пурифтихори миллӣ — 31-солагии Истиқлолияти давлатӣ симои ноҳияро куллан дигаргун намоянд.
АКС аз шуъбаи иттилоотӣ ва таҳлилии дастгоҳи Раиси вилояти Хатлон
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
Ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» қадрдонӣ шуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
