БА ИСТИҚБОЛИ ҶАШНИ 31-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рӯдакӣ зиёда аз 30 иншоот ба истифода дода мешаванд

Август 21, 2022 10:04

РӮДАКӢ, 21.08.2022 /АМИТ «Ховар»/. Сокинони ноҳияи Рӯдакӣ ҷашни Истиқлолияти давлатиро муқаддас дониста, барои ҳифзи сулҳу субот ва оромию якдилӣ сиёсати хирадмандонаи Пешвои миллат муҳтарам Эмомалӣ Раҳмонро дастгирӣ намуда, баҳри созандагию бунёдкорию ободии диёри хеш кӯшиш менамоянд. Ин аст, ки дар арафаи ҷашни 31-солагии Истиқлолияти давлатӣ соҳибкорону сокинони ноҳияи Рӯдакӣ дар ҷамоатҳои шаҳраку деҳоти ноҳия зиёда аз 30 иншооти гуногунро ба истифода медиҳанд.

Мудири шуъбаи меъмории ноҳияи Рӯдакӣ Абдукарим Суфиев ба мухбири АМИТ «Ховар» изҳор дошт, ки «сокинону соҳибкорони ноҳия ҷиҳати муҳайё намудани шароити беҳтарини зиндагӣ барои ҳамдеҳагону насли наврас дар деҳот ва шаҳраки ноҳия иншооти муҳими хизматрасонӣ бунёд намуда истодаанд. Хурсандиовар аст, ки дар арафаи ҷашни бузурги 31-солагии Истиқлолияти давлатӣ дар деҳаҳои Шӯрчашма, Ҳасанобод, Ҷӯйбодом, Ҳоҷибоӣ, Пистамазор, бунгоҳҳои тиббӣ ба истифода дода мешаванд. Инчунин дар деҳаи Теппаи Самарқандии Ҷамоати деҳоти Роҳатӣ таваллудхонаи минтақавӣ мавриди баҳрабардорӣ қарор дода шуд. Албатта, дар бунёди ин иншооти муҳим, ки мушкилоти тиббии сокинони деҳотро бартараф менамоянд, Мақомоти иҷроияи ҳокимияти давлатии ноҳияи Рӯдакӣ ва сокинони деҳот саҳми арзанда доранд».

Сармутахассиси бахши саноат, сохтмон ва коммуникатсияи ноҳияи Рӯдакӣ Насимҷон Калонов гуфт, ки “барои дар сатҳи баланд пешвоз гирифтани ҷашни 31-солагии Истиқлолияти давлатӣ ва оғози соли нави таҳсил дар маркази ноҳия бинои нави муассисаи таълимии №3 ва дар ҷамоатҳои шаҳраку деҳоти Гулистон, Лоҳур ва Мирзо Турсунзода 3 адад бинои нави муассисаҳои таълимӣ мавриди баҳрабардорӣ қарор дода мешаванд. Ҳамчунин дар маркази ноҳия бинои Ҳизби Халқии Демократии Тоҷикистон, дар Ҷамоати деҳоти Зайнабобод корхонаи коркарди қуму шағал ва майдончаҳои варзишию хатҳои оби нӯшокӣ ба истифода дода мешаванд”.

Тибқи иттилои мудири бахши фарҳанги ноҳияи Рӯдакӣ Хайриддин Ҷалолзода, имрӯзҳо дар ассоси нақшаи чорабиниҳои Мақомоти иҷроияи ҳокимияти давлатии ноҳияи Рӯдакӣ дар ҷамоатҳои шаҳраку деҳот бо аҳли ҷамоат вохӯрию суҳбатҳо ҷараён доранд. Ҳамзамон ба ифтихори ин ҷашни бузурги таърихӣ бо иштироки сарояндагони бахши фарҳанг дар ҷамоатҳои деҳот кансертҳои идона баргузор гардида истодаанд.

Субҳониддини МАҲМУД,
АМИТ «Ховар»

АКС: АМИТ «Ховар»

Август 21, 2022 10:04

Хабарҳои дигари ин бахш

БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар вилояти Суғд бунёди зиёда аз 700 корхонаву коргоҳи нави саноатӣ ба нақша гирифта шудааст
Дар ноҳияи Қубодиён барои хизматчиёни давлатӣ бинои 45-ҳуҷрадор бунёд мегардад
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар маркази ноҳияи Мастчоҳ беморхона ва муассисаи таълимӣ бунёд мешаванд
Кумитаи рушди маҳал: «Ба истиқболи 35-солагии Истиқлоли давлатӣ дар Тоҷикистон беш аз 27 ҳазор иншоот сохта ба истифода дода мешавад»
35-СОЛАГИИ ИСТИҚЛОЛИ ДАВЛАТӢ. Дар Ҳисор 18 бинои маркази саломатӣ ва 6 муассисаи томактабӣ таҷдид карда мешавад
Раиси шаҳри Душанбе Рустами Эмомалӣ: «Дар пойтахт соли гузашта 14 муассисаи таҳсилоти умумӣ ва томактабӣ, 8 муассисаи тандурустӣ ва 74 корхонаю коргоҳи саноатӣ бунёд карда шудаанд»
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Қалъаи Кӯлоб бо тарҳи рукнҳои қадимӣ бозсозӣ карда мешавад
Имрӯз маҷлиси васеи Ҳукумати Ҷумҳурии Тоҷикистон баргузор гардид
Давлаталӣ Саид ҷиҳати шиносоӣ бо корҳои ободониву созандагӣ ба шаҳри Кӯлоб сафари корӣ анҷом дод
Дар ноҳияи Бобоҷон Ғафуров бо ҷалби мутахассисони Кореяи Ҷанубӣ гармхонаи муосир сохта мешавад
То соли 2026 дар вилояти Хатлон беш аз 6 ҳазор иншооти гуногун бунёд мешаванд
БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар Ҷамоати деҳоти Овчӣ-Қалъачаи ноҳияи Бобоҷон Ғафуров майдони Парчами давлатӣ бунёд мегардад