Ба Минтақаи озоди иқтисодии «Данғара» дар ҳаҷми 61 млн сомонӣ сармоягузорӣ карда шуд

Август 15, 2022 10:12

ДУШАНБЕ, 15.08.2022 /АМИТ «Ховар»/. Дар шашмоҳаи якуми соли равон дар Минтақаи озоди иқтисодии «Данғара» дар ҳаҷми 61 млн сомонӣ сармоягузорӣ карда шуд, ки ин рақам нисбат ба ҳамин давраи соли гузашта 10,3 маротиба зиёд мебошад. Дар ин бора ба Вазири рушди иқтисод ва савдо Завқӣ Завқизода зимни боздид аз минтақаи мазкур иттилоъ дода шуд.

Тавре ба АМИТ «Ховар» дар Вазорати рушди иқтисод ва савдо хабар доданд, Завқӣ Завқизода бо мақсади иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба рушди минтақаи озоди иқтисодӣ, таъсиси ҷойҳои нави корӣ, ҳалли саривақтии масъалаҳои мавҷудаи минтақаи мазкур, таъсиси корхонаҳои саноатӣ, ташкили ҷойҳои нави корӣ ва фароҳам овардани шароити мусоид барои ҷалби бештари сармояи дохилию хориҷӣ аз Минтақаи озоди иқтисодии «Данғара» дидан намуд.

Зимни боздид аз Минтақаи озоди иқтисодии «Данғара» аз ҷониби З. Завқизода ба масъулин ҷиҳати тақвияти ҳамкорӣ бо вазорату идораҳои дахлдор оид ба ҷалби бештари сармояи дохилию хориҷӣ, бунёди корхонаҳои нави саноатӣ, рушди инфрасохтори минтақа ва ба ин васила зиёд намудани ҷойҳои нави кор дастуру супоришҳои мушаххас дода шуд.

Аз оғози фаъолият дар минтақа 431 ҷойи нави кор таъсис дода шуда, 59-тои он дар 6 моҳи соли равон таъсис дода шудааст. Маҳсулоти конструксияи металлии корхонаи Минтақаи озоди иқтисодии «Данғара» дар иншооти муҳими давлатӣ, аз ҷумла дар манораи 30 – солагии Истиқлолияти давлатӣ, бинои баландошёнаи Хадамоти алоқа ва сохтмони пулҳо истифода шудаанд.

АКС: Вазорати рушди иқтисод ва савдои ҶТ

Август 15, 2022 10:12

Хабарҳои дигари ин бахш

РОҒУН — МИНТАҚАИ САЙЁҲӢ. Дар ин бора Қарори Ҳукумати Ҷумҳурии Тоҷикистон ба тасвиб расид
Ориф Амирзода: «Маҳз бар асари гармшавии иқлим беш аз 1000 пиряхи Тоҷикистон комилан об шудаанд»
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
Имконияти сайёҳии Тоҷикистон дар ЭКСПО-и сайёҳии Ҷопон муаррифӣ мегардад
Ҷаласаи навбатии Шӯро оид ба муайян намудани сатҳи камбизоатӣ ва табақаи миёнаи аҳолӣ баргузор шуд
Дар Душанбе масъалаи ҳамкорӣ бо Маркази минтақавии рушди иқтидори Хазинаи Байналмилалии Асъор баррасӣ гардид
Дар ноҳияи Мурғоб иқтидори истеҳсоли энергияи офтобӣ зиёд мешавад
Дар Душанбе Созишнома оид ба маблағгузорӣ миёни Тоҷикистон ва Ассотсиатсияи Байналмилалии Рушд ба имзо расид
Раиси Шӯрои директорони ҶДММ «Ғаюр Гурӯҳ» Акбар Асадулло: «Имрӯз вақти дар амал собит кардани ватандӯстии мо расидааст»
Бартарафсозии оқибатҳои даргириҳои марзӣ дар деҳоти Чоркуҳ ва Сурхи Исфара таҳти таваҷҷуҳи хоссаи Пешвои миллат қарор дорад
ҲАМЛАИ ТАҶОВУЗКОРОНАИ ҚИРҒИЗИСТОН. Шералӣ Ризоён бар ин назар аст, ки фарзияи коршиноси қирғиз дар бораи лоиҳаи роҳи оҳани Чин-Қирғизистон-Узбекистон кирои танқид ҳам намекунад
Дар Душанбе ҷаласаи XXV Шӯрои байниҳукуматии ИДМ оид ба иктишоф, истифода ва ҳифзи қаъри замин оғоз ёфт