Ба ноҳияҳои Вилояти Мухтори Кӯҳистони Бадахшон беш аз 3 ҳазор адад китобҳои тозанашр тақдим мегарданд
ДУШАНБЕ, 21.08.2022 /АМИТ «Ховар»/. Корвони фарҳангии китоб тавассути Корхонаи воҳиди давлатии таъминот ва савдои «Китоб»-и Вазорати фарҳанги Ҷумҳурии Тоҷикистон 3 ҳазору 440 нусха китобҳои тозанашрро ба маблағи 100 ҳазор сомонӣ ба китобхонаҳои ноҳияҳои Шуғнон, Рӯшон, Дарвоз, Ванҷ, Ишкошим, Роштқалъа ва Мурғоби Вилояти Мухтори Кӯҳистони Бадахшон ба таври ройгон тақдим менамояд.
Тавре аз маркази матбуоти Вазорати фарҳанги мамлакат ба АМИТ «Ховар» иттилоъ доданд, 19 август Корвони фарҳангии китоб ба ВМКБ ворид гардида, дар назди Театри вилоятии ба номи Меҳрубон Назарови шаҳри Хоруғ намоиш-фурӯши китобҳои тозанашр баргузор намуд. Дар ин намоиш намояндагони аҳли фарҳангу маориф, тандурустӣ, мақомоти қудратӣ ва хонандагону донишҷӯён китобҳои мавриди таваҷҷуҳи хешро хариданд.
Дар намоиш-фурӯши китоб зиёда аз 530 номгӯй адабиёти илмӣ, соҳавӣ, сиёсӣ, тиббӣ, бадеӣ, бачагона аз осори адибони классику муосир ва ҷаҳон ба маърази тамошо гузошта шуда буд.
Корвони фарҳангии китоб тавассути Корхонаи воҳиди давлатии таъминот ва савдои «Китоб»-и Вазорати фарҳанги Ҷумҳурии Тоҷикистон бо мақсади дар амал тадбиқ намудани банди 24-и «Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021-2025» ва таъмину мукаммалгардонии китобхонаҳои ҷумҳурӣ бо китобҳои тознашр роҳандозӣ мегардад.
АКС: Вазорати фарҳанги ҶТ
«ИЛМ–ФУРӮҒИ МАЪРИФАТ». 19 октябр даври чоруми озмуни ҷумҳуриявӣ оғоз мегардад
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
