БА ШАРАФИ СОЛҲОИ РУШДИ САНОАТ. Дар Бадахшон талабот ба маҳсулоти корхонаҳои истеҳсоли плитаҳои бетонӣ ва санг меафзояд
ДУШАНБЕ, 03.08.2022 /АМИТ «Ховар»/. Имрӯзҳо дар Вилояти Мухтори Кӯҳистони Бадахшон, бахусус шаҳри Хоруғ тибқи дастури Пешвои миллат муҳтарам Эмомалӣ Раҳмон сохтмони иншооти таъйиноти гуногун ба роҳ монда шудааст. Ин имкон медиҳад, ки талабот ба маҳсулоти истеҳсолнамудаи корхонаи плитаҳои бетонии ҶДММ «Хуҷаназар» зиёд шавад, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ВМКБ.
Ҳамзамон ширкатҳои сохтмонӣ аз тарафи роҳбарияти вилоят супориш гирифтаанд, ки танҳо маҳсулоти истеҳсолнамудаи корхонаҳои маҳаллиро харидорӣ намоянд. Дар чунин маврид истеҳсоли бештари ин маҳсулот ба манфиати кор аст.
Раиси ВМКБ Алишер Мирзонабот ва Раиси шаҳри Хоруғ Ризо Назарзода аз корхонаи плитаҳои бетонии ҶДММ «Хуҷаназар» боздид намуда, бо фаъолияти он шинос шуданд. Ба роҳбарияти корхонаи мазкур дастур дода шуд, ки ба доираи фаъолияташон тавсеаи бештар бахшанд.
Ҳамчунин раисон бо фаъолияти корхонаи коркарди санги «Помир стоун» шинос шуданд.
Масъулини корхона супориш гирифтанд, ки истеҳсол ва коркарди санги маҳаллиро ҳарчи бештар ба роҳ монда, иншооти сохташавандаро бо маҳсулоти истеҳсоли худӣ таъмин намоянд, ки ин иқдоми хубе барои дастгирии соҳибкорони маҳаллӣ мегардад.
Акс: МИҲД ВМКБ
Эмомалӣ Раҳмон: «Бунёди «Комбинати металлургии Тоҷик» рамзи иқтидори рӯзафзуни иқтисодии мамлакат аст»
Пешвои миллат Эмомалӣ Раҳмон соҳибкоронро ба сармоягузорӣ дар истеҳсолот ва коркарди ашёи хоми ватанӣ даъват намуданд
Эмомалӣ Раҳмон: ««Барномаи рушди металлургияи сиёҳ барои солҳои 2027–2035» таҳия карда шавад»
Эмомалӣ Раҳмон: «Тоҷикистон бояд аз кишвари истихроҷкунандаи маъдан ба истеҳсолкунандаи маҳсулоти металлӣ табдил ёбад»
Талаботи Тоҷикистон ба филизоти сиёҳ то соли 2035 ба беш аз 2,3 миллион тонна мерасад
Эмомалӣ Раҳмон: «Рушди металлургияи сиёҳ сармоягузорӣ ба ояндаи Тоҷикистон аст»
Эмомалӣ Раҳмон: «Маҷмааи металлургии Тоҷикистон даҳҳо корхона ва ҳазорон ҷойи нави кор таъсис медиҳад»
