Бонкҳои кишварҳои СҲШ нақшаи ягонаи дастгирии бахши молиявиро қабул карданд
ДУШАНБЕ, 24.08.2022 /АМИТ «Ховар»/. Бонкҳои кишварҳои Созмони ҳамкории Шанхай (СҲШ) нақшаи дастгирии ҳамкории иқтисодии дохилиминтақавӣ қабул намуданд. Дар ин бора зимни ҷаласаи 18-уми Шӯрои Ассотсиатсияи байнибонкии созмон, ки дар шаҳри Тошканд таҳти раёсати Бонки миллии Узбекистон баргузор гардид, хабар дода шуд, иттилоъ медиҳад АМИТ «Ховар» бо истинод ба маркази матбуоти Бонки миллии фаъолияти иқтисоди берунии Узбекистон.
Тибқи натиҷаи ҷаласа, Шӯрои Ассотсиатсияи байнибонкии СҲШ Нақшаи чорабиниҳои муштараки бонкҳои аъзои СҲШ оид ба дастгирӣ ва рушди ҳамкории дохилиминтақавии иқтисодии СҲШ дар давраи миёнамуҳлат (2022-2027) ва принсипҳои чаҳорчӯби ҳамоҳангӣ ва ҳамкории бонкҳои аъзои СҲШ-ро дар бахши молия тасдиқ намуд, гуфта мешавад дар изҳороти Бонки миллии фаъолияти иқтисоди берунии Узбекистон.
Санадҳои имзошуда барои ворид кардан ба эъломия доир ба натиҷаҳои нишасти сарони кишварҳои узви СҲШ, ки 16 сентябр дар Самарқанд баргузор мешавад, тасвиб шуданд.
Ба иттилои Бонки миллии фаъолияти иқтисоди берунии Узбекистон, ин санадҳо барои ҳавасмандгардонии афзоиши гардиши мол ва ҳамкории сармоягузории бонкҳои аъзои созмон дар татбиқи лоиҳаҳои ояндадори муштараки инфрасохторӣ дар фазои СҲШ, инчунин рушди ҳамкории саноатӣ миёни кишварҳои узви созмон шароити мусоид фароҳам меоранд.
Раёсат дар Шӯрои Ассотсиатсияи байнибонкии СҲШ барои солҳои 2022-2023 шуруъ аз моҳи октябри соли равон ба ширкати молияи инфрасохтори Ҳиндустон мегузарад.
СҲШ созмони байналмилалиест, ки соли 2001 таъсис ёфтааст. Ба он Ҳиндустон, Қазоқистон, Чин, Қирғизистон, Русия, Тоҷикистон, Покистон ва Узбекистон шомил мебошанд. Кишварҳои нозир – Афғонистон, Беларус, Эрон ва Муғулистон, кишварҳои шарик – Озарбойҷон, Арманистон, Камбоҷа, Непал, Туркия ва Шри-Ланка мебошанд. Дар нишасти сарони СҲШ дар Душанбе моҳи сентябри соли 2021 тартиби пазируфтани Эрон ба ин созмон ва додани мақоми шарики муколама ба Миср, Қатар ва Арабистони Саудӣ оғоз шуд. Соли равон Беларус барои аъзо шудан ба СҲШ ба ҳайси узви комилҳуқуқ расман дархост пешниҳод намуд.
АКС аз манбаъҳои боз
МОДАР — РАМЗИ МЕҲРУ МУҲАББАТ ВА ХУРРАМИИ ЗИНДАГӢ. Дар Бонки миллии Тоҷикистон Рӯзи Модар таҷлил гардид
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дар Қоҳира масъалаи таҳкими ҳамкории Тоҷикистону Миср баррасӣ шуд
Имконияти ҳамкорӣ байни Тоҷикистон ва ширкати NVIDIA дар соҳаи зеҳни сунъӣ баррасӣ гардид
ҚУРБИ АСЪОР: 1 доллари ИМА аз 9.5749 то 9.6500 сомонӣ муқаррар шудааст
Сарвазири Тоҷикистон Қоҳир Расулзода ба роҳбарият ва мардуми Эрон изҳори тасаллият ва ҳамдардӣ намуд
