Борони кӯтоҳмуддат ба чор қитъаи замини наздиҳавлигии сокинони ноҳияи Лахш зарар расонид
ДУШАНБЕ, 03.08.2022 /АМИТ «Ховар»/. 2 август, соати 19:45, дар натиҷаи борони кӯтоҳмуддат дар деҳаи Пилдони ноҳияи Лахш сел омад, ки дар натиҷа ба чор қитъаи замини наздиҳавлигии сокинони деҳа зарар расонда, 300 метр роҳро корношоям намуд. Талафоти ҷониву харобиҳои дигар ба қайд гирифта нашудаанд. Дар ин бора ба АМИТ «Ховар» дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ доданд.
Гуфта шуд, ки барои роҳандозии корҳои рафъи пайомадҳои офат ва муайян намудани ҳаҷми зарари расида дар ҷойи ҳодиса Комиссияи ҳолатҳои фавқулодаи ноҳияи Лахш фаъолият дорад.
1 август низ бинобар сабаби баланд гардидани гармии ҳаво ва аз меъёр баланд шудани сатҳи оби дарёи Сурхоб дар мавзеи «Бурҷон»-и Ҷамоати деҳоти Аскалони ноҳияи Рашт дарё маҷрояшро дигар намуда, қисмати поёнии роҳи мошингарди маҳаллии Сарипул-Аскалонро дар километри 3-юм қисман шуста, хароб кардааст. Дар натиҷа 70 метри роҳи зикршуда 10-15 см фурӯ рафта, дар ҳолати садамавӣ қарор гирифтааст.
Тарқишҳои дар паҳнои роҳ аз ду тараф пайдошуда 4-10 см-ро ташкил додаанд. Инчунин аз қисмати болои роҳ дар ин мавзеъ ба дарозии зиёда аз 150 метр низ тарқиш пайдо шудааст, ки зимни бориши оянда ба ин мавзеъ хатари фаромадани ярч таҳдид мекунад.
АКС: Кумитаи ҳолатҳои фавқулода ва мудофиаи граждании назди Ҳукумати ҶТ
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
