ЧӢ БАРОИ РУШДИ ИНТЕРНЕТИ БАЛАНДСУРЪАТ ДАР ТОҶИКИСТОН МОНЕА ЭҶОД МЕКУНАД? Коршинос, Раиси Ассотсиатсияи операторони алоқаи мобилии ҶТ сабаби онро шарҳ дод
ДУШАНБЕ, 17.08.2022 /АМИТ «Ховар»/. Коршинос, Раиси Ассотсиатсияи операторони алоқаи мобилии ҷумҳурӣ, узви Шӯрои технологияҳои иттилоотию коммуникатсионӣ (ТИК)-и назди Президенти Тоҷикистон Ғафур Иркаев дар мусоҳиба бо хабаргузории русии Sputnik нақл кард, ки соҳибони инфрасохтори алоқаи интернетии Тоҷикистон бо чӣ гуна мушкилот рӯ ба рӯянд ва шароит бо ҳамсояҳоро муқоиса намуд.
Коршинос дар посух ба ин суол, ки дар қиёс бо кишварҳои ҳамсоя интернет дар Тоҷикистон худро чӣ гуна нишон медиҳад, аз дастовардҳои Қирғизистон ёдовар шуда, сатҳи шабакаи миллии моро бештар ба Афғонистон, Покистон ва Узбекистон монанд намуд.
Ба рушди интернети баландсуръату арзон дар Тоҷикистон ландшафт-ҳудуди табиӣ монеъ мешавад, чунин меҳисобад коршинос.
«Гап сари он аст, ки 97 фоизи ҷумҳуриро кӯҳсор ташкил медиҳад, аз ин рӯ ин барои мо, барои тамоми соҳае, ки ин гуна хизмат мерасонад, душвор аст»,-гуфт ӯ.
Иркаев зикр кард, ки замоне дар қаламрави собиқ ИҶШС аввалин шуда дар Тоҷикистон стандартҳои 3G ва 4G пайдо шуда буданд. Ба гуфтаи ӯ, ин ба шарофати ширкатҳои бузург, ба мисли ZTE ва Huawei ва инчунин оператороне, ки тақрибан 8 нафар буданд, имконпазир гардид.
Раиси ассотсиатсия ҳамчунин гуфт, ки дар қаламрави ҷумҳурӣ онҳо аллакай стандарти насли нави 5G-ро санҷидаанд. Аммо Иркаев дар бораи нақшаи ба таври доимӣ истифода бурдани он чизе нагуфт.
Ёдовар мешавем, ки дар шаш моҳи соли 2022 суръати интернети воридотӣ дар Тоҷикистон ба 100 Гбит/с баробар гардид. Дар ин давра теъдоди корбарони интернет дар баробари муштариёни интернети мобилӣ ва собит ба 4,2 миллион нафар расидааст, ки 42 дарсади аҳолии Тоҷикистонро ташкил медиҳад. Дар ин бора чанде пеш зимни нишасти матбуотӣ муовини Сардори Хадамоти алоқаи назди Ҳукумати ҶТ Илҳомҷон Атоев иттилоъ дод.
АКС: АМИТ «Ховар»
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
