ЧЕМПИОНАТИ ОСИЁ ОИД БА ГӮШТИНИ ДЗЮДО. Шаҳбоз Саидабуроров имкони ба даст овардани нишони биринҷиро дорад

Август 4, 2022 13:30

ДУШАНБЕ, 04.08.2022 /АМИТ «Ховар»/. Имрӯз дар Чемпионати Осиё оид ба гӯштини дзюдо дар рақобатҳои вазнҳои 60 ва 66 кг Тоҷикистонро Муҳаммад Маҳмадизода ва Шаҳбоз Саидабуроров муаррифӣ доранд. Шаҳбоз Саидабуроров дар вазни то 66 кг рақобатҳоро оғоз кард ва дар ин марҳила ба муқобили варзишгари ҳиндӣ Нитин Чауҳан бо имтиёзи иппон дар сонияҳои охир ғалаба ба даст овард. Дар даври чаҳорякниҳоӣ Шаҳбоз аз варзишгари ҷопонӣ Риёма Танака мувоҷеҳи шикаст шуд ва ба даври тасаллобахш рафт. Ёдовар мешавем, ки ҳоло варзишгари кишвари мо имкони ба даст овардани нишони биринҷии ин мусобиқаро дорад. Дар ин бора шореҳи варзиш Муродалӣ Тешаев ба хабарнигори АМИТ «Ховар» Меҳрони Қурбон иттилоъ дод.

Тавре қаблан хабар додем, имрӯз дар пойтахти Қазоқистон – шаҳри Нур-Султон Чемпионати Осиё оид ба гӯштини дзюдо оғоз гардид, ки Тоҷикистонро дар ин мусобиқаи сатҳи баланд 9 варзишгар намояндагӣ мекунанд. Рақобатҳо аз рӯи 14 вазн (7 вазн миёни мардон ва 7 вазн миёни бонувон) доир мегарданд.

Пас аз хотима ёфтани рақобатҳои инфиродӣ дар рӯзи охири Чемпионати Осиё рақобатҳои даставӣ сурат мегиранд. Вале дастаи мунтахаби Тоҷикистон бинобар сабаби нопурра будани ҳайат дар он иштирок намекунад.

Бо иштирок дар ин мусобиқаи бонуфузи қоравӣ варзишгарон имкон доранд хазинаи имтиёзҳои худро дар раддабандии Федератсияи байналмилалии дзюдо (IJF) пурра намоянд, инчунин барои дарёфти роҳхат ба Бозиҳои олимпии соли 2024 дар Париж имтиёзҳои муҳим ба даст биёранд. Барои мақоми аввал — 700 имтиёз, дуюм — 490 имтиёз ва сеюм — 350 имтиёз дода мешавад.

Ба иттилои Федератсияи байналмилалии дзюдо (IJF), дар Чемпионати мазкур 182 варзишгар аз 19 кишвари қораи Осиё ширкат меварзанд.

АКС аз манбаъҳои боз

Август 4, 2022 13:30

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд