Дар Академияи миллии илмҳо Рӯзи дарҳои кушода гузаронида мешавад

Август 30, 2022 15:43

ДУШАНБЕ, 30.08.2022 /АМИТ «Ховар»/. 25 сентябр барои ҷалби хонандагони синфҳои 7-11-и муассисаҳои таҳсилоти миёнаи умумӣ, литсей ва гимназияҳои Вазорати маориф ва илми Ҷумҳурии Тоҷикистон ва номнавис гардидани хонандагон ба бахшҳои мушаххаси фаннии Академияи хурди илмҳо Рӯзи дарҳои кушодаи Академияи миллии илмҳои Тоҷикистон баргузор мешавад.

Тавре ба АМИТ «Ховар» дар Академияи миллии илмҳои Тоҷикистон хабар доданд, дар Рӯзи дарҳои кушода аъзои Раёсати Академия, директорони институтҳои илмӣ-тадқиқотӣ, устодони бахшҳои тахассусӣ ва намояндагони муассисаҳои таҳсилоти олӣ ва миёнаи умумӣ иштирок менамоянд.

Дар ин рӯз хонандагони синфҳои аз 7 то 11-и муассисаҳои таҳсилоти миёнаи умумии шаҳри Душанбе ва ноҳияҳои тобеи ҷумҳурӣ иштирок намуда, метавонанд ихтисосҳои барои худашон мувофиқро озодона интихоб намуда, савия ва донишашонро бо ёрии олимони институтҳои илмӣ-тадқиқотии Академия илмҳо такмил диҳанд.

Дар доираи Академияи хурди илмҳо мактаббачагони болаёқат имконият доранд дар сессияҳои зимистона ва тобистонаи Академияи хурди илмҳо иштирок намуда, баъди натиҷагирии ҳакамон бо ифтихорнома ва дипломҳо сазовор гарданд. Ҳамчунин дар сессияи баҳоронаи Академияи хурди илмҳо беҳтарин мактаббачагон метавонанд чун узви  вобаста ва узви ҳақиқии Академияи хурди илмҳои Ҷумҳурии Тоҷикистон қабул гарданд.

Ёдовар мешавем, ки дар Академияи миллии илмҳои Тоҷикистон 24 муассисаи илмӣ-тадқиқотӣ бо зиёда аз 2000 корманд фаъолият менамоянд. Хонандагон метавонанд худро дар бахшҳои зерин: математика, информатика, астрофизика, физика, химия, гидрохимия, биология, иқтисодиёт, тиб, таърих ва бостоншиносӣ, генетика, география, экология ва  ғайра номнавис намоянд.

Ҳадаф аз ҷалби наврасон ба чорабиниҳои Академияи хурди илмҳо, қабл аз ҳама, ошкор намудани нафарони боистеъдод миёни ин қишри ҷомеа мебошад.

АКС: Академияи миллии илмҳои Тоҷикистон

 

Август 30, 2022 15:43

Хабарҳои дигари ин бахш

Ҷашни Наврӯзи хуҷастапайро аҳли илму маориф ботантана ҷашн гирифтанд
Дар шаҳри Турсунзода кӯдакистони замонавӣ ба истифода дода шуд
Дар Донишгоҳи давлатии Хуҷанд озмуни «Шоҳномахонӣ» баргузор шуд
Дар шаҳри Истаравшан дуюмин ҳамоиши гирандагони стипендияи президентӣ доир шуд
«НАВРӮЗ — МУЖДАИ БАҲОРУ САРСАБЗИИ ТАБИАТ». Дар Донишгоҳи давлатии Кӯлоб ҷашни аҷдодиро таҷлил намуданд
НАВРӮЗ-ЭҲЁГАРИ АНЪАНАҲОИ МИЛЛӢ ВА ТАРҒИБГАРИ ҲУНАРҲОИ МАРДУМӢ. Таҳти ин унвон дар Донишгоҳи давлатии Бохтар ҳамоиш баргузор шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба ҳифзи Ватан ва мубориза бо падидаҳои номатлуб мулоқот доир шуд
Дар Филиали Донишгоҳи давлатии Москва дар шаҳри Душанбе конференсияи байналмилалии илмӣ-амалии «Геология дар макон ва замон» доир шуд
Устодону донишҷӯёни Донишгоҳи миллии Тоҷикистон Наврӯзро бо барномаи рангину намоиши анъанаҳои миллӣ таҷлил намуданд
Дар Тошканд Форуми ректорони донишгоҳҳои Тоҷикистон ва Узбекистон гузаронида мешавад
Дар Донишгоҳи миллӣ оид ба баланд бардоштани донишу маърифати ҳуқуқии ҷавонон ҳамоиш доир шуд
Бахшида ба Рӯзи байналмилалии ҳифзи пиряхҳо дар Донишгоҳи миллии Тоҷикистон ҳамоиш доир шуд