Дар Бадахшон ҷаласаи Шӯрои ҳамоҳангсозӣ бо донорҳо ва шарикони рушд баргузор гардид
ДУШАНБЕ, 16.08.2022 /АМИТ «Ховар»/. Имрӯз дар Вилояти Мухтори Кӯҳистони Бадахшон ҷаласаи Шӯрои ҳамоҳангсозӣ бо донорҳо ва шарикони рушд дар соҳаи меҳнат, муҳоҷират ва шуғли аҳолӣ дар доираи Форуми байналмилалии соҳибкорӣ ва сармоягузории «PomirInvest-2022» баргузор гардид.
Тавре дар Вазорати меҳнат, муҳоҷират ва шуғли аҳолии мамлакат иттилоъ доданд, дар ҳамоиши мазкур Раиси Вилояти Мухтори Кӯҳистони Бадахшон Алишер Мирзонабот, Вазири меҳнат, муҳоҷират ва шуғли аҳолӣ Ширин Амонзода, намояндагони шарикони рушд, донорҳо, созмонҳои байналмилалӣ, сафоратҳо, вазорату идораҳои ҷумҳурӣ, олимону муҳаққиқони дохилию хориҷӣ, коршиносону масъулини соҳаҳои муҳими ҳаёти ҷамъиятӣ иштирок намуданд.
Пеш аз оғози Шӯро иштирокдорон аз намоишгоҳ, ки аз навъҳои хӯрокҳои миллӣ, асбоби рӯзгор ва маҳсули дасти бонувони бадахшонӣ иборат буд, дидан намуданд.
Вазири меҳнат, муҳоҷират ва шуғли аҳолии мамлакат Ширин Амонзода зикр намуд, ки дар натиҷаи саъю кӯшишҳои муштараки Тоҷикистон ва донорҳо дар ислоҳоти соҳаҳои меҳнат, муҳоҷират, шуғли аҳолӣ, таълими калонсолон ва рушди ҳунармандӣ комёбиҳои муайян ба даст оварда шуданд, ки самараи хубро дороанд.
Ҳадаф аз он ҷалби донорҳо ва шарикони рушд ҷиҳати дар заминаҳои мавҷуда таъсис додани ҷойҳои корӣ ва тавсеи шуғли пурмаҳсул барои сокинони ВМКБ тавассути ташкили омӯзиши касбу малакаҳо, рушди ҳунармандӣ ва иштироки ҷавонон дар экосистемаи иқтисодии кишвар ва дар маҷмӯъ, саҳмгузорӣ дар татбиқи ҳадафи чоруми стратегӣ: саноатикунонии босуръат ва тавсеаи рушди пурмаҳсул дар кишвар буда, ин чораҳо ба баланд бардоштани сатҳи зиндагии аҳолӣ замина мегузоранд.
Ҳамчунин дар назар аст, ки Харитаи роҳи Вазорати меҳнат, муҳоҷират ва шуғли аҳолии Ҷумҳурии Тоҷикистон барои солҳои 2022-2026, нақшаи кори вазорат то соли 2026 доир ба таъмини шуғлнокӣ тавассути рушди малакаҳои муосири ҷавонону занон ва дастгирии ҳунармандӣ дар ВМКБ: имконият, мушкилот ва дурнамо, таҷрибаи таъсиси ҷойҳои кор тавассути стартапҳо дар ВМКБ муаррифӣ гарданд.
Ёдовар мешавем, ки 17-18 август дар шаҳри Хоруғи Вилояти Мухтори Кӯҳистони Бадахшон Форуми навбатии байналмилалии соҳибкорию сармоягузории «Помир-Инвест 2022» бо иштироки сармоягузорони дохиливу хориҷӣ, шарикони рушд, соҳибкорони муваффақи ватаниву хориҷӣ ва ҳамватанони бурунмарзӣ баргузор мегардад.
Акс: МИҲД ВМКБ
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
