Дар Хадамоти гумруки Тоҷикистон вобаста ба пешгирии амалҳои коррупсионӣ ҳамоиш баргузор гардид
ДУШАНБЕ, 20.08.2022 /АМИТ «Ховар»/. Ҷиҳати татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» 19 август дар Хадамоти гумруки назди Ҳукумати ҷумҳурӣ бо иштироки муовини Сардори Хадамоти гумруки назди Ҳукумати ҷумҳурӣ Изатулло Ҳурматзода ва ҳайати шахсӣ вобаста ба пешгирии амалҳои коррупсионӣ ҳамоиш баргузор гардид, хабар медиҳад АМИТ «Ховар» бо истинод ба Хадамоти гумруки назди Ҳукумати ҷумҳурӣ.
Ҳадафи ҳамоиш аз омӯзиши моҳият, мазмун, тарзу усул ва роҳҳои самараноки таъмин намудани талаботи ин барномаи зиддифасодӣ иборат буд.
Дар ҳамоиш сарнозири Раёсати хавфҳои коррупсия ва пешгирии ҳуқуқвайронкуниҳои коррупсионии Агентии назорати давлатии молиявӣ ва мубориза бо коррупсияи ҷумҳурӣ Алишер Насимӣ доир ба бартараф намудани камбудиҳо зимни азнавтаҳлилкунӣ ва азнавбаҳодиҳии фаъолият ва санҷиши ҳолати иҷрои «Стратегия давлатии муқовимат бо коррупсия дар Ҷумҳурии Тоҷикистон барои давраи то соли 2030» дар Хадамоти гумрук ибрози назар намуд.
Зикр шуд, ки бо мақсади расидан ба ҳадафҳои ба самти коррупсия нигаронидашуда то давраи қабули «Стратегия давлатии муқовимат бо коррупсия дар Ҷумҳурии Тоҷикистон барои давраи то соли 2030» ва «Нақшаи чорабиниҳои амалисозии Стратегияи мазкур барои марҳилаи якум (солҳои 2021-2025)» дар миқёси кишвар ду маротиба барномаи зиддикоррупсионии дурнамои миёнамуҳлати сиёсати давлатии Ҷумҳурии Тоҷикистон, аз ҷумла бо Қарори Ҳукумати ҷумҳурӣ соли 2008 «Стратегияи мубориза бо коррупсия дар Ҷумҳурии Тоҷикистон барои солҳои 2008-2012» ва бо Фармони Президенти мамлакат соли 2013 «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» қабул гардиданд, ки бозгӯи талошҳои пайвастаи Сарвари давлат ва Ҳукумати мамлакат ҷиҳати решакан намудани ин падидаи номатлуб мебошанд.
Дар ҳамоиш оид ба пешгирӣ ва бартараф намудани сабабу шароите, ки ба содир намудани ҳолатҳои коррупсионӣ мусоидат мекунанд, ибрози назар карда шуд. Гуфта шуд, ки хизматчиёни давлатӣ, аз ҷумла кормандони мақомоти гумрук бояд ҳангоми иҷрои вазифаҳои хизматӣ хавфҳои коррупсиониро пешгирӣ намуда, ба он роҳ надиҳанд.
Дар ҷаҳони имрӯза коррупсия дар баробари терроризму экстремизм, паҳншавии маводи мухаддир ба яке аз таҳдидҳои глобалӣ табдил ёфта, тамоми давлатҳои дунё бо ин ё он восита кӯшиш менамоянд, ки пеши роҳи ин зуҳуроти номатлубро гиранд.
АКС: Хадамоти гумруки назди Ҳукумати Ҷумҳурии Тоҷикистон
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
